Emërohet Bordi Mbikëqyrës i Ndërmarrjes Publike Qendrore “Trepça”
Sot Qeveria e Kosovës ka emëruar Bordin Mbikëqyrës të Ndërmarrjes Publike Qendrore “Trepça” Sh. A.
Kryeministri i Kosovës, Albin Kurti, tha me këtë rast se procesi i rekrutimit është monitoruar nga organizatat joqeveritare dhe anëtarët e Bordit janë: Mentor Berisha – kryesues, Fadil Beja – anëtar, Merita Gashi – anëtare, Sadije Gashi – anëtare dhe Alban Krasniqi anëtar.
Ndërkohë Qeveria e Kosovës ka miratuar dhe Propozimvendimin e ndryshimit dhe plotësimit të Programit Legjislativ të Qeverisë së Republikës së Kosovës për vitin 2024, Projektrregulloren për Procedurat e Përzgjedhjes dhe Emërimit të Drejtorëve dhe Zëvendësdrejtoreve, Mësimdhënësve, Bashkëpunëtoreve Profesional, Asistentëve, Instruktorëve dhe Sekretarëve në Institucionet Publike Edukativo-Arsimore dhe Aftësues të Arsimit Parauniversitar, Drafti i Programit te Statistikave Zyrtare për vitin 2024-2028,u emërua bordi mbikëqyrës i Ndërmarrjes Publike Qendrore “Trepça” Sh. A.
Në mbledhjen e sotme me 16 pika të rendit të ditës, u votuan dhe shpronësimi i pronave të paluajtshme te cilat preken nga realizimi i Projektit: Konservimi, Restaurimi dhe Ndërtimi i Kompleksit Memorial “Masakra e Reçakut” si dhe shpronësimi publik i pronave të paluajtshme të cilat preken nga realizimi i Projektit: Zgjerimi i Rrugës Nacionale N9 Kijevë- dhe rrugës rajonale RR221Cerkolez-Rakosh.
