Emigranti shqiptar rrëfen momentet e tmerrit/ Ja si shpëtova nga flakët…
Një emigrant shqiptar ka rrëfyer momentet e tmerrit, pas flakëve që përfshinë periferinë e Athinës mbrëmjen e djeshme.
Në një lidhje telefonike me News24, Bledi Stathi, banues në Rafina të Athinës, tregoi se një pjesë e shtëpisë së tij ishte shkrumbuar tërësisht.
Ai tregoi se si arriti të largohej në kohë nga vendi i ngjarjes sëbashku me familjen e tij.
“Gruaja më mori në telefon se unë isha në punë, dhe më tha që po digjej shtëpia përballë. Morëm djalin dhe ikëm, se nuk mundën të shpëtonim asgjë nga shtëpia. Shtëpia na u dogj, si u dogjën dhe shumë shtëpi të tjera, shqiptarësh e grekësh, tani është stabilizuar gjendja”, tha ai.
