EMRI/ Identifikohet viktima e parë shqiptare në Greqi, është një grua nga Saranda…

Greqia ende është duke luftuar për të përballuar tragjedinë e madhe me flakët, ndërsa numri i viktimave ka shkuar në 76.

Sipas informacioneve mësohet se mes viktimave është dhe një shqiptare, e cila është një grua.

Sipas Top Channel gruaja shqiptare e cila ka humbur jetën nga flakët në Greqi është Nica Leka, me origjinë nga Leshnica e Sarandës, mësohet se ka vdekur në banesën e saj, në vendin e quajtur Mati.

Ndërkohë që tragjedia thellohet më shumë për familjen shqiptare, pasi dhe bashkëshorti i saj grek ndodhet në gjendje kritike për jetën në spital.

Episodi më i tmerrshëm qëkur zjarret u përhapën me shpejtësi, është ai i regjistruar në Mati të Atikës, ku vullnetarët e Kryqit të Kuq gjetën 26 trupa njerëzish, shumë prej të cilëve nëna me fëmijë, të përqafuar me njëri-tjetrin.