Enkelejd Alibeaj: Fitorja me e madhe e PD në Fier!

Një fitore e madhe për qytetarët e Fierit, tha Drejtuesi politik i Partisë Demokratike të Qarkut Fier, Enkelejd Alibeaj, pas mbylljes së Qendrave të Votimit dhe publikimit të Exit Polleve duke shtuar se kjo është fitorja me e madhe e PD në Fier.

“Kjo është një fitore e madhe për të gjithë. Një fitore e madhe për qytetarët e Fierit. Eshte fitorja me e madhe e PD në Fier. Është koha të nisim një të ardhme më të mirë për Shqipërinë.

Faleminderit shumë që besuat në rrugën tonë, faleminderit për vendosmërinë tuaj, për përkushtimin tuaj. Shqipëria fitoi sonte. Ne fituam sonte. Kjo është një fitore e madhe,” tha Drejtuesi Politik i PD për Qarkun Fier, Enkelejd Alibeaj, i bindur në numërimin korrekt të votave:

“Unë jam i sigurt që numërimi i votave do të jetë i pastër dhe korrekt për të siguruar fitoren për të cilin vendi ka nevojë.”