Entuziazëm i madh i votuesëve amerikanë para zgjedhjeve për Kongres

Nesër në SHBA mbahen zgjedhjet ku do të vendoset kontrolli mbi Kongresin për dy vitet e ardhshme. Ka prej atyre që këto zjgedhje i konsiderojnë edhe si referendum për mandatin aktual të Presidentit Donald Trump, raporton VOA. Entuziazmi i votuesëve është shumë më i madh se sa në zgjedhjet e kaluara për Kongres. Këtë e dëshmon edhe e dhëna se deri më tani kanë votuar 35.5 milionë votues, që është 67.8 për qind më shumë se sa në vitin 2014, kur gjithashtu është vendosur për shumicën në Kongres.

Fushata

Nesër amerikanët vendosin në qendrat e votimit nëse do ti japin besimin Presidentit të SHBA, Donald Trump, ose do të mundohen ta kufizojnë zbatimin e politikës së tij. Numër rekord i votuesëve tashmë ka votuar në shumë shtete federale, e në mesin e tyre një numër shumë më i madh nën moshën 30 vjeç.

Kandidatët e partive në mbarë vendin, në fazën finale të fushatës ishin prezent kudo. Në Arizona, kandidatja demokrate për Senat, Kirsten Sinema ka marrë pjesë në një ndeshje të futbollit amerikan, ku rivalja e saj, republikania Marta Mekseli e këndoi hymnin kombëtar.

Ekranet televizive u përmbytën nga spotet politike.

Në fushatën parazgjedhore, aktiv ishte edhe Presidenti Donald Tramp, i cili bëri përpjekje që të nxis votuesit që të mbështesin republikanët, me mesazhe mbi ekonominë e fortë amerikane, por edhe me alarmet mbi emigrantët ilegal që po bëjnë përpjekje që të vijnë në SHBA.

“Demokratët po inkurajojnë emigrantët ilegal që të shkelin ligjet tona, të shkelin kufijtë tanë dhe të shkatërrojnë vendin tonë”.

Në fjalët e Presidentit Trump u përgjigjë paraardhësi demokrat Barak Obama:

“Na thonë se kërcënimi më serioz i SHBA janë refugjatët e varfër dhe të uritur  që janë me mijëra kilometra larg kufirit. Po, kjo vërtetë do ta kërcënoj Gerin, në Indiana,” tha njeriu i cili shkatërroi si ekonominë ashtu edhe diplomacinë amerikane, dhe siç duket vetëm këtë din të bëjë.

 Senatorë demokrat për here të tretë

Në zgjedhje votohet për 435 anëtarë të Dhomës së Përfaqësuesëve, ku republikanët kishin shumicën për tetë vjet. Nëse sondazhet janë të sakëta, demokratët janë favorit që të marrin kontrollin mbi këtë dhomë të Kongresit. Mirëpo, hulumtimet dëshmojnë se republikanët, sipas të gjitha gjasave, do të mbajnë shumicën e ngushtë në Senat, duke pasur parasysh se kemi të bëjmë me rizgjedhjen për tri herë me radhë të shumicës së senatorëve demokratë.

“Demokratët në Senat përballen me hartën më të vështirë politike në 60 vitet e fundit, kështu që është e jashtëzakonshme që jemi edhe në këtë pozitë të fortë,” konsideron senatori demokrat nga Merilendi, Kris Van Holen.

Presidenti Trump është optimist:

“Do të shohim se çfarë do të ndodhë. Mendoj se qëndrojmë shumë mirë në Senat, dhe do të kemi rezultate shumë të mira në Dhomën e Përfaqësuesëve”.

Partitë opozitare zakonisht marrin më shumë vende në zgjedhjet për Kongres. Mirëpo, kontrolli i ndarë mbi Kongresin mund të sjellë stanjacion të ri politik në Washington.