“Entuziazmi Sandër Lleshi”/ Përkatësia fetare, Paloka: “Ishte Këshilltar i Edi Ramës, nuk e mori nga katedralja e Rreshenit!

Për entuziazmin e shfaqur për ministrin e ri të Brendshëm, bazuar në përkatesinë fetare dhe krahinore, Nënkryetari i Partisë Demokratike reagon përmes rrjetit socila Facebook duke shprehur habi me ata që janë kundërshtarë të Ramës dhe jo me ata që ka futur Rama qëllimisht që ta paraqesin këtë si një lëvizje dhe ndryshim për mirë, sepse Sandër Lleshi, ka disa vite në zyrat e kryeministrisë si keshilltar sigurie e nuk e mori Rama nga katedralja e Rreshenit për ta ulur në vendin e ministrit.

Duke i dhënë vetes të drejtë të reagoj në këtë aspekt, meqenëse nga baba thotë Edi Paloka se është po aq katolik sa të entuziazmuarit,  thekson fillimisht se nuk e kupton këtë lloj “entuziazmi” duke pasur parasysh faktin që Rama ashtu si dhe paraardhësit e tij, komunitetin katolik e kanë konsideruar si “armik” kurse tani papritur cakton një minister që rrjedh nga ky komunitet. Dhe jo vetëm kaq!

“Ky zotria është emëruar ministër nga Rama. Po ju kujtoj “entuziastëve” se edhe Arta Marku është po aq katolike e madje me prejardhje nga familje e persekutuar, po as njëra as tjetra nuk e ndaluan të vihet në shërbim total ndaj Ramës.”  

I pyetur në emisionin “Opinion” për qëndrimin ndaj krimit dhe drogës, ai ashtu sikur se Edi Rama ka këtë vlerësim:

“Nuk mendoj se u tolerua kanabisi ne 2017!”

Me këtë qëndrim, thekson Paloka, ai nuk arriti as tek Xhafaj , i cili u detyrua të pranoj se policia u implikua në kanabizimin e vendit.

“Gjendja e krimit nuk është dramatike,” tha ministri që ende nuk është ulur në karrigë ,imagjinoni se si do e luftojë krimin ky kur as nuk i duket dramatike situata, dhe servilizmi siç duket është arma e tij më e fortë:

“Deshtimi është i imi, suksesi i Ramës!”

E meqë bastet do i mbylli Rama, Nënkryetari i Partisë Demokratike, Edi Rama përfundon duke vënë bast:

“Ky zotria shpejt do tregojë se është aty vetëm për ti shërbyer Ramës!”