Epilog ndryshe/ Lulzim Basha: Filloi rrëzimi i tiranisë së krimit!
Kryetari i Partisë Demokratike, Lulzim Basha, sot përmbylli Protestën Kombëtare të Opozitës me një epilog ndryshe. Protesta e tetë Kombëtare e Opozitës, nuk ishte thjeshtë vazhdim i përpjekjes për largimin e Edi Ramës, por një protestë që dha rezultat, pasi zëri i saj kumboi nga Berlini, në Bruksel nga Londra në Ëashington, për të ardhë edhe vendimi i Presidentit për anulimin e datës së zgjedhjeve, 30 Qershor.
“Pjesëmarrja, bashkimi, qëndresa vendosmëria është forca jonë dhe forca juaj është e pandalshme. Është zëri juaj që kumboi nga Berlini, në Bruksel nga Londra në Ëashington. Popullit shqiptar askush nuk mund t’i vë dot më çizme despotike orientale, kriminale mbi qafë dhe aq më pak kreu i bandës në pushtet, Edi Rama.
Forca jonë, forca juaj sa vjen dhe shtohet siç shtohen radhët e protestave tona. Kulari sot është në qafën e Tiranës, nuk do të jetë më në qafën e shqiptarëve. Do ta tërheqim derisa ta rrëzojmë Tiraninë. E sotmja është një mbrëmje e rëndësishme për betejën tonë. E sotmja është një natë e rëndësishme në betejën tonë që do të vazhdojë deri në largimin e Edi Ramës dhe një qeverie tranzitore.
E di zemërimin tuaj të ligjshëm dhe jam në krahun tuaj deri në fitoren e kësaj beteje. Dua tu kërkoj sonte mirëkuptimin tuaj se kjo natë e bekuar e lëvizjes tonë, të ndezë mesazhin e qartë dhe të prerëse shumica jemi ne, se ne nuk do të hedhim asnjë hap pas deri në realizimin e objektivit tonë,” tha Lulzim Basha para protestuesve që nuk ishin dakord me mbylljen e protestës, duke shtuar se qeveria u përpoq ta shndërronte këtë natë të dhunshme me qëllim që të shmanget vëmendja tek përgjimet e publikuara, por dështoi siç dështoi zhvillimi i zgjedhjeve moniste pas vendimit të Presidentit të Republikës.
“Planet ogurzeza të provokatorëve të dhunës që edhe sot duan të zhbëjnë apo të ndalin trajektoren e ngjarjeve që sapo kanë nisur dhe do të çojnë në rrëzimin e tiranisë së krimit.
Gazi që hodhën drejt qytetarëve krejtësisht paqësor dhe përpjekja për ta kthyer këtë natë, në një natë dhune me qëllim për të hequr vëmendjen nga një bandë kriminale e parë nga e gjithë bota duke vjedhur zgjedhjet, kjo përpjekje sonte dështon me turp siç dështoi me turp zgjedhjet moniste kriminale pas vendimit të Presidentit për anulimin e 30 qershorit.
Orët dhe ditët e ardhshme duhet ta gjejnë më në këmbë se kurrë, më të fortë se kurrë për ta çuar këtë betejë drejt fitores totale këtë betejë opozitare. Bisha e plagosur kriminale do të bëjë gjithçka për t’i ndalur grahmat e fundit të kufomës politike të organizatës kriminale të Rilindjes dhe kreut të bandës kriminale, Edi Ramës.Si asnjëherë më parë, titaku i zemrekut të lëvizjes popullore do të dëgjohet edhe më fort derisa gongu i lirisë ta shtrijë përdhe tiraninë e krimit,” tha Kryetari i Partisë Demokratike, Lulzim Basha, duke i dhënë kësa mbrëmje jo me mbledhjen e strukturave të partisë për të përcaktuar datën e protestën e radhës sepse foli Presidenti, dhe gjithçka do faret nga forma që do të marr fundi i rrëzimit të tiranisë së krimit.
