Epilogu më 16 Mars/ Korçë, Basha: Ja si do të përmirësojmë klimën e biznesit…

Kryetari i Partisë Demokratike, Lulzim Basha, duke konstatuar gjenjen e rëndë ekonomike në qytetin e Korçës i bëri thirrje qytetarëve që të bëhen pjesë e protesës së 16 marsit para Kryeministrisë në Tiranë ndërsa shpalosi masat konkrete që do të ndërmerren për përmirësimin e klimës së biznesit pasi ta largojnë Edi Ramën: 

 “Ju do të keni në dorë qeverisjen dhe qeveria do të kujdeset për interesin e njerëzve. Kemi një qeveri që është shkëputur nga njerëzit. Nuk dëgjon njerëzit. Sa herë vij këtu, keq e më keq,” tha Lulzim Basha duke konstatuar gjendje e biznesit në përkeqësim e sipër ndërsa bëri premtime konkrete:

“Do të heqim “Taksën Rama” mbi naftën me 300 lek që do të japë efekt të menjëhershëm tek biznesi dhe qytetarët. Çdo familje që ka një makinë dhe harxhon mesatarisht 100 litra naftë në muaj, kursen 30 mijë lek. Për biznesin e vogël, për një kamionçinë, kursimi shkon në 90 mijë lek në muaj, vetëm nga ulja e çmimit të naftës. Për biznesin e madh kursimi shkon deri në 700 mijë lekë të reja. Vetëm ulja e çmimit të naftës do të sjellë energji të reja në ekonomi. Do të ulë koston, do të rrisë fuqinë blerëse të qytetarëve do të rrisë xhiron dhe qarkullimin.”

Por ulja e ulja e çmimit të naftës, ulja e çmimit të energjisë, vetëm një taksë 0.5% për biznesin, nuk bëhen realitet pa larguar qeverinë e kapur në vjedhje, tha Basha:

“Ulja e çmimit të energjisë për biznesin e vogël do të jetë 20%. Ulja e çmimit të energjisë do t’ju krijojë mundësinë që të mbani biznesin. Të punësoni edhe dikë tjetër dhe të mos mbyllni biznesin. Me xhiro nën 140 milionë lek të vjetra në vit do të klasifikohet si biznes i vogël. Do të përjashtohet nga TVSH dhe do të paguajë vetëm një taksë lokale dhe qëndrore bashkë. 0.5% të xhiros vjetore. Me këtë taksë do të shlyhesh të gjitha detyrimet ndaj shtetit,” tha lideri i Opozitës duke sqaruar njërin nga bizneset korçare:

“Do të vendosësh një pullë këtu në xham dhe prania e çdo inspektori do të konsiderohet e paligjshme. Këto masa i marrim për të përmirësuar klimën e biznesit si punësuesi më i madh. Ulje e çmimin të naftës, ulje të çmimit të energjisë dhe 0.5% taksë e xhiros vjetore.”

Por, e gjitha kjo arrihet me largimin e kësaj qeverie, tha Lulzim Basha, duke përfunduar :

“Pa larguar një qeveri që është kapur duke ju vjedhur ju asgjë nuk bëjmë dot. Më 16 shkurt qytetaria e Korçës të zbresë në Tiranë në protestë.”