Era e fortë në det/ Dhërmi, policia shpëton dy turistë me gomone

Policia Kufitare shpëtoi dy turistë, të cilët rrezikuan jetën në ujërat detare të Dhërmiut.

“Sot, rreth orës 13:45, pas njoftimit të marrë se 2 persona rrezikonin jetën në det për shkak të erës, menjëherë u organizua puna dhe shërbimet e Policisë Kufitare të Stacionit Policor Dhërmi bënë të mundur shpëtimin e dy pushuesve,” thuhet në njoftimin e policisë.

Policia e Stacionit Policor Dhërmi thekson dhe se ata kishin dalë me gomone pa motorr për të lundruar, por për shkak të kohës së paqëndrueshme, era e madhe i kishte shtyrë në thellësi të detit.