Erdhi dhe Delegacioni i Venecias, Vetting në politikë me Ulsi Manjën është kulmi i çmendurisë…
Pritshtmëritë e mëdha nga vizita e delegacionit të Komisionit të Venecias edhe mund të vazhdojnë, por pritshmëritë nga Partia Socialiste që përfaqësohet nga Ulsi Manja janë makabritet ashtu siç rezultoi edhe Reforma në Drejtësi.
Deklaratat e përfaqësuesve të PD dhe PS pas takimit me delegacionin e Komisionit të Venecias nuk janë aspak premtuese. Deri sa Edmond Spaho nga Partia Demokratike tha se përfaqësuesve të Venecias i parashtruan qëndrimin e PD përse nuk duhet të ketë dy standarde, komunisti Ulsi Manja përveç se tha që mirëpret opinionin e Venecias, tregoi se e din edhe çfarë është tabani i demokracisë.
“Ne parashtruam qëndrimin e PD-së i cili në thelb është se nuk duhet të ketë dy standarde, por standardi që zbatohet për prokurorët dhe gjyqtarët duhet të aplikohet për politikanët, kur flasim për lidhje me botën e krimit të organizuar. Shpjeguam me fakte se asnjë reformë në Shqipëri nuk do të ketë sukses nëse nuk do të shkëputen lidhjet e politikës me krimin e organizuar,” tha ndër të tjera Spaho.
Ndërsa Ulsi Manja i PS jo vetëm që nuk ngjallë shpresë por me ligjërimin e tij primitiv dëshmon se “vettingu në politikë” nuk është as flluskë sapuni, por një reformë e cila do të përfundoj shumë më keq se Reforma në Drejtësi nëse njerë të këtij niveli e marrin në dorë.
Në këndvështrimin tonë takimi me delegacionin ishte shumë i frytshëm. Ishte një takim informues dhe sqarues me pyetje dhe përgjigje nga të dyja palët. Ne besojmë shumë në kompetencën dhe autoritetin e Komisionit të Venecias lidhur me opinionet e tyre lidhur me ndryshimet kushtetuese. Shpjegimet dhe mendimet tona do t’ua dorëzojmë edhe me shkrim edhe pse në materialin që kemi dërguar në Venecia nga Kuvendi ne i kemi dërguar disa pyetje. Por gjithsesi ne mirëpresim opinionin e Venecias si tabanin e demokracisë”.
Delegacioni me 6 anëtarë kryesohet nga presidentja e nderit të Komisionit Venecias, Hanna Suchocka:
1. Znj.Hanna Suchocka (Poloni,Presidente Nderi e Komisionit të Venecias, ish anëtare e Komisionit)
2. Znj. Veronika Bilkova (Republika çeke, ish-zëvendëspresidente e Komisionit të Venecias)
3. Z.Jørgen Steen Sørensen (Danimarka, anëtar i Komisionit të Venecias)
4. Z. James Hamilton (Irlanda, ish anëtarzëvendësues, i Komisionit të Venecias).
5. Znj. ArtemizaTatiana Chisca, nga Sekretariati i Komisionit të Venecias.
6. Znj. Adelina Albrahimi, Përkthyese
7. Znj. Engjellushe Shqarri, Përkthyese
Ndryshe, pas opinioneve të partive politike në Shqipëri, Presidentit dhe Ministrit të Drejtësisë, është Komisioni i Venecias ai i cili do të jap edhe mendimin e tij për nismën e Partisë Demokratike për “Vettingun në Politikë”.
