Erdogan dhe Mitsotakis theksojnë rëndësinë e bashkëpunimit turko-grek

Presidenti Recep Tayyip Erdogan dhe kryeministrit grek Kyriakos Mitsotakis në takimin e tyre u fokusuan në përfitimet rajonale nga thellimi i bashkëpunimit dypalësh.

Në takim u vu theksi dhe te zhvillimet pozitive mes dy vendeve.

Sipas një deklarate të drejtorisë së komunikimit të Presidencës, të dy liderët theksuan gjithashtu idenë se Turqia dhe Greqia kanë një përgjegjësi të veçantë në ruajtjen e sigurisë së Europës përballë pushtimit rus të Ukrainës.

Ata ranë dakord gjithashtu për mbajtjen e hapur të kanaleve të komunikimit dhe përmirësimin e marrëdhënieve dypalëshe pavarësisht mosmarrëveshjeve midis Turqisë dhe Greqisë, thuhet në deklaratë.

Duke u ndalur te hapat e ndërmarrë nga Turqia për të kthyer një faqe të re në marrëdhëniet me Greqinë, Erdogan tha se beson se do të ndërmarrin hapa për të adresuar problemet në detin Egje, minoritetet, nismat kundër terrorizmit, migrimin e parregullt etj.

Duke vënë në dukje se problemet mund të zgjidhen përmes dialogut të sinqertë dhe të ndershëm, Erdogan tha se dy vendet fqinje duhet të jenë gjithmonë në kontakt dhe jo vetëm gjatë krizave.

Sipas një deklarate të publikuar nga Ankaraja, gjatë pritjes në mbrëmje u diskutuan marrëdhëniet dypalëshe dhe çështjet rajonale.

“Takimi vlerësoi çështjet që lidhen me marrëdhëniet dypalëshe, si dhe zhvillimet aktuale gjeopolitike dhe çështjet rajonale dhe ndërkombëtare, duke përfshirë reflektimet e Luftës Rusi-Ukrainë”, shtoi ai.

Takimi vjen pasi Ankaraja kërkon të forcojë kredencialet e saj si një lojtar i fuqisë rajonale duke ndërmjetësuar konfliktin.