Erdogan dhe Putin, Marrëveshje për Sirinë. Assad: Erdogan është hajdut!

Presidenti turk, Recep Tayyip Erdogan, pas takimit me homologun e tij rus, Vladimir Putin, ka bërë të ditur se Ankaraja dhe Moska kanë arritur “marrëveshjen historike” mbi Sirinë, raporton Anadolu Agency, AA.

Erdogan theksoi se Ankaraja dhe Moska kaneë arritur “marrëveshjen historike” për të garantuar integritetin territorial dhe unitetin politik të Sirisë, si dhe për luftën kundër terrorizmit në këtë vend.

Sipas marrëveshjes, duke filluar nga ora 12 e mesditës së nesërme, 23 tetor, policia ushtarake rue dhe rojet kufitare siriane do të hyjnë në anën siriane të kufirit turko-sirian, jashtë zonës së operacionit “Burimi i Paqes”, me qëllim për të lehtësuar nxjerrjen e elementëve të YPG/PKK-së dhe armëve të tyre 30 kilometra larg kufirit të Turqisë në veri të Sirisë. Marrëveshja duhet të finalizohet brenda 150 orëve.

Ndërkohë Presidenti i Sirisë, Bashar Al Assad në vizitën që i bëri ushtarëve në El-Habit afër Idlibit akuzoi Presidentin e Turqisë, Recep Tayyip Erdogan, se është hajdut. “Kanë grabitur fabrikat, grurin, vajin, dhe tani po vjedhin vendin,” tha Assad, raporton Agjencia e lajmeve Sana.

Ndryshe, operacioni “Burimi i Paqes” nisi pa lidhje më 9 tetor me pretekstin turk për të eliminuar terroristët nga Siria veriore, për të siguruar kufijtë e Turqisë, për të ndihmuar kthimin e sigurt të refugjatëve sirianë, si dhe për të garantuar integritetin territorial të Sirisë. U ndërpre me ndërhyrjen e SHBA; Dhe, tani na del një “Marrëveshje historike” në bazë të së cilës, Presidenti i Rusisë, Vladimir Putin si “shpëtimtar” i kurdëve, që Erdogan u tha se do ti zhdukte nga faqja e dheut nëse nuk respektojnë zotimin me armëpushimin.