Erdogan kërkon rivotim, Imamoglu certifikohet si Kryetari i ri i Stambollit
Ekrem Imamoglu është përfundimisht kryetari i ri i Stambollit pavarësisht kundërshtimeve të partisë së Presidentit Erdogan për rezultatin e zgjedhjeve lokale.
Sipas mediave turke, Imamoglou vizitoi selinë rajonale zgjedhore të këshillit, i cili ka marrë certifikatën e autoriteteve zgjedhore në qytetin më të madh të Turqisë.
Ftesa e Këshillit të Qarkut erdhi një ditë pasi partia në pushtet AKP e presidentit Rexhep Taip Erdogan bëri thirrje për përsëritjen e procesit zgjedhor në Stamboll duke kontenstuar numërimin e votave.
AKP kishte kërkuar pezullimin e emërimit të Imamoglou derisa Këshilli i Lartë Zgjedhor të marrë në konsideratë kërkesën për përsëritjen e zgjedhjeve në qytet.
Megjithatë, Autoriteti Rajonal ka vendosur të vazhdojë me procedurën.
Sipas agjencisë shtetërore të lajmeve Anadolu, numërimi i fundit i dha Ekrem Imamoglu rreth 13.000 vota më shumë në krahasim me kundërshtarin e tij, ish-kryeministri Binali Jildirim.
