Erdogan: Komuniteti ndërkombëtar, i cili heshti për Srebrenicën, vëzhgon mizoritë që ndodhin në Palestinë

Presidenti i Turqisë, Recep Tayyip Erdogan, tha sot se vendi i tij hedh poshtë të gjitha deklaratat dhe vërejtjet që synojnë të mohojnë gjenocidin në Srebrenicë dhe glorifikojnë kriminelët e luftës në kundërshtim me vendimet e gjykatave ndërkombëtare.

Për ceremoninë përkujtimore të 30-vjetorit të Gjenocidit në Srebrenicë, Presidenti Erdogan dërgoi një videomesazh ku përsëriti mbështetjen e pakushtëzuar të Turqisë për integritetin territorial, sovranitetin dhe rendin kushtetues të Bosnje Hercegovinës, raporton Agjencia turke e lajmeve Anadolu.

“Komuniteti ndërkombëtar, i cili qëndroi i heshtur për Srebrenicën, thjesht po vëzhgon mizoritë që ndodhin në Palestinë vitet e fundit,” tha Presidenti i Turqisë, Recep Tayyip Erdogan, duke përfunduar:

“Izraeli herët a vonë do të mbahet përgjegjës para ligjit dhe historisë për gjenocidin ndaj gati 57.000 palestinezëve, përfshirë fëmijë, gra, të moshuar dhe të rinj.”