Erdogan: Marrëdhëniet e Turqisë me SHBA janë në rrezik

Bashkëpunimi i Turqisë dhe Shteteve të Bashkuara është në rrezik, tha presidenti turk Rexhep Taip Erdogan duke kërcënuar Shtëpinë e Bardhë se do të kthehet në drejtim të “aleatëve të ri” nëse SHBA vazhdon të tregoj “mungesë rrespekti”.

Marrëdhëniet në mes të dy aleatëve të NATO-s arritën në nivelin më të ulët në disa dekadat e fundit, pas arrestimit në Turqi të pastorit amerikan, Andrew Brunson, kur dhe u vendosën disa sanksione.

Partneriteti në rrezik

Në kuadër të masave të reja, presidenti amerikan Donald Trump ka vendosur dje të dyfishoj taksat doganore për çelikun dhe aluminin turk, duke përshpejtuar kështu rënien e valutës turke, e cila vetëm më 10 gusht humbi 16 % ndaj dollarit.

E përditshmja amerikane “New York Times” shkruan se Erdogan i ka tërhequr vërejtjen Washingtonit për pasojat e këtyre masave të cilat mund ta detyrojnë Ankaranë që të gjejë “miq të ri dhe aleatë të ri”.

“Nëse SHBA nuk fillojnë të rrespektojnë sovranitetin e Turqisë dhe tregojnë se e kuptojnë rrezikun me të cilin kombi jonë po përballet, partneriteti jonë mund të vihet në rrezik,” lëshon alarmin presidenti turk.