Erdogan: Turqia mbështet udhëheqësit e Hamasit!

Presidenti i Turqisë, Reccep Tayyip Erdogan, tha se Ankaraja mbështet fuqishëm grupin palestinez, Hamas.

“Askush nuk mund të na detyrojë që ta shpallim Hamasin organizatë terroriste”, tha sot Erdogan gjatë një fjalimi në Stamboll, ndërkohë Hamas është shpallur organizatë terroriste nga Shtetet e Bashkuara dhe Bashkimi Evropian.

“Turqia është një shtet që flet hapur me udhëheqësit e Hamasit dhe i mbështet fuqishëm”, shtoi ai.

Etdogan ka qenë një prej kritikëve më të ashpër të Izraelit që kur ka nisur lufta në Gazë.

Lufta në Rripin e Gazës nisi pas sulmeve të Hamasit në jug të Izraelit më 7 tetor, kur ekstremistët palestinezë vranë afër 1.200 persona dhe rrëmbyen afër 250 të tjerë.

Izraeli është kundërpërgjigjur me sulme të pareshtura tokësore dhe ajrore dhe sipas Ministrisë së Shëndetësisë në Gazën e udhëhequr nga Hamasi, deri më tani në enklavën palestineze janë vrarë mbi 30.000 persona, shumica gra dhe fëmijë.

Reccep Tayyip Erdogan e ka quajtur Izraelin shtet terrorist, raporton RFE, dhe e ka akuzuar se po kryen gjenocid në Rripin e Gazës.