Erdogani e fton Vuçiçin në hapjen e gazsjellësit TANAP

Presidenti i Serbisë, Aleksandar Vuçiç është ftuar nga presidenti i Turqisë, Rexhep Taip Erdogan, që më 12 qershor 2018 të marrë pjesë në manifestimin e madhe që bëhet  me rastin e hapjes solemne të gazsjellësit TANAP që do të mbahet , në qytetin Eskishehër. Këtë e ka bërë të ditur Presidenca e Serbisë  duke shtuar se dy presidentët kanë biseduar me telefon, ku është biseduar edhe për çështjet tjera në marrëdhëniet dypalëshe.

“Në bisedën e gjatë miqësore, presidentët Vuçiç dhe Erdogan kanë shqyrtuar marrëdhëniet ekonomike e politike të Serbisë e Turqisë dhe ata janë pajtuar se ato po zhvillohen suksesshëm por edhe përpjekjet e përbashkëta se mund të arrihet rezultate edhe më të mira”, thekson Presidenca duke shtuar se Presidenti Vuçiç i ka kërkuar Erdoganit që të nxis investitorët turq që të investojnë në Serbi

Aleksandar Vuçiç, e ka pranuar ftesën e Erdoganit dhe sipas Zyrës së Presidentit të Serbisë, sërish do që qëndrojë për vizitë njëditore në Turqi.