Erë e fortë në Durrës, përplasen 3 tragete në port

Mbrëmjen e sotme ka ndodhur një përplasje mes 3 trageteve në Portin e Durrësit. Drejtoria e Përgjithshme Detare bënë të ditur se ngjarja ka ndodhur rreth orës 19:30, teksa trageti A/F CLAUDIA po bëhej gati të nisej drejt Ankonës dhe pasi ka tërhequr spirancën është shtyrë nga era e fortë dhe ka prekur dhe është fërkuar me tragetin BARI dhe AF MARINA.

Kjo ngjarje, thekson Drejtoria e Përgjithshme Detare, ka kaluar pa dëme materiale dhe pa pasagjerë të lënduar. Veprimi me dy rimorkiatorë ka bërë që të shmangen përplasjet, dhe trageti CLAUDIA ka dalë nga porti duke vazhduar rrugën për në Ankona.