Erion Veliaj ankimon arrestin me burg, Apeli i GJKKO cakton gjyqtarin Engert Pëllumbi 

Gjykata e Posaçme e Apelit për Korrupsionin dhe Krimin e Organizuar, GJKKO, ka regjistruar sot çështjen penale në lidhje me ankimin e Kryetarit Bashkisë Tiranë, Erion Veliaj, për masën e sigurisë “arrest me burg” që është caktuar ndaj tij.

“Ankim ndaj vendimit nr. 7, datë 09.02.2025, dhe vendimit nr. 14, datë 12.02.2025, të Gjykatës së Posaçme të Shkallës së Parë për Korrupsionin dhe Krimin e Organizuar, të cilat kanë disponuar masa sigurie personale për të akuzuarit,” është Objekti i ankimimeve bëtë të ditur GJKKO përmes një njoftimi.

Trupi gjykues, sipas shortit, përbëhet nga gjyqtari Engert Pëllumbi, i cili do të shqyrtojë çështjen dhe do të vendosë mbi ankimet e paraqitura.

Njoftimi i GJKKO:

Gjykata e Posaçme e Apelit për Korrupsionin dhe Krimin e Organizuar, regjistroi çështjen penale nr. 13 akti, datë 04.03.2025 regjistrimi, mbi ankimet e personave nën hetim E.V., E.A., M.P., Sh.F., G.S., me objekt: “Ankim ndaj vendimit nr. 7, datë 09.02.02025 dhe vendimit nr. 14, datë 12.02.2025 të Gjykatës së Posaçme të Shkallës së Parë për Korrupsionin dhe Krimin e Organizuar” që ka disponuar në lëndë të masave të sigurimit personal.

Sipas shortit, trupi gjykues monokratik përbëhet nga gjyqtari Engert Pëllumbi.