Pas sulmeve të vazhdueshme, fyerjeve, denigrimit deri dhe kërcënimit të prokurorit të SPAK, Olsi Dado, nga hajduti ordiner Erion Veliaj, ka reaguar Këshilli i Lartë i Prokurorisë, KLP, duke shpreh shqetësimin për dëmtimin e integritetit dhe besimit në drejtësinë shqiptare.
“KLP bën thirrje që çdo pretendim, akuzë apo ankesë ndaj një prokurori, të trajtohet në përputhje me ligjin dhe brenda kuadrit institucional. KLP rithekson rëndësinë e respektimit të standardeve etike të raportimit nga mediat, duke siguruar paanshmërinë në informimin e opinionit publik, për të shmangur çdo formë dezinformimi që mund të ndikojë në integritetin e proceseve gjyqësore,” thekson Këshilli i Lartë i Prokurorisë përmes një deklarate duke e bërë të qartë:
“Këshilli i Lartë i Prokurorisë qëndron në mbështetje të prokurorit Olsi Dado dhe të gjithë prokurorëve të Republikës së Shqipërisë, që ata të ushtrojnë funksionin e tyre në përputhje me ligjin, si e vetmja garanci që drejtësia të funksionojë mbi bazën e fakteve, provave dhe procesit të drejtë ligjor.”
Ndryshe, kjo deklaratë e Këshillit Lartë Prokurorisë vjen pas një sërë akuzh dhe së fundi publikimit të procesverbalit të seancës së vlerësimit të masës së sigurisë në GJKKO nga Kryetari i arrestuar i Bashkisë Tiranë, Erion Veliaj, duke e akuzuar prokurorin Olsi Dado se e kishte quajtur “ndyrësirë”, akuzë të cilën GJKKO dhe SPAK e hodhën menjëherë poshtë ashtu si dhe procerverbalin e manipuluar, por hajduti ordiner nuk ndaloi! Manipuloi dhe audion e seancës, dhe SPAK paralajmëroi ekspertizë për audion e publikuara nga kjo bandë kriminale për të përcaktuar dhe autorin e saktë të këtij manipulimi makabër!

Deklaratë:
Tiranë, 25 shkurt 2025 – Këshilli i Lartë i Prokurorisë (KLP) shpreh shqetësimin për fushatën e vazhdueshme të sulmeve, etiketimeve denigruese dhe përpjekjeve për presion ndaj prokurorëve të SPAK-ut në përgjithësi dhe në veçanti ndaj prokurorit të Prokurorisë së Posaçme Olsi Dado. Deklarata të artikuluara jo vetëm nga disa segmente të caktuara mediatike, por edhe nga persona të përfshirë në hetime ose të akuzuar prej tyre, përfshirë zyrtarë të lartë, dëmtojnë integritetin dhe besimin në drejtësinë shqiptare. Sulmet verbale cenojnë procesin e drejtë hetimor dhe gjyqësor, si garanci themelore të shtetit të së drejtës.
KLP bën thirrje që çdo pretendim, akuzë apo ankesë ndaj një prokurori, të trajtohet në përputhje me ligjin dhe brenda kuadrit institucional. KLP rithekson rëndësinë e respektimit të standardeve etike të raportimit nga mediat, duke siguruar paanshmërinë në informimin e opinionit publik, për të shmangur çdo formë dezinformimi që mund të ndikojë në integritetin e proceseve gjyqësore. Në respekt të një sistemi të pavarur gjyqësor, bëjmë thirrje për të treguar durim dhe maturi. Çdo përpjekje për të ndikuar përmes presioneve publike apo debatit politik minon parimet e demokracisë.
Këshilli i Lartë i Prokurorisë qëndron në mbështetje të prokurorit Olsi Dado dhe të gjithë prokurorëve të Republikës së Shqipërisë, që ata të ushtrojnë funksionin e tyre në përputhje me ligjin, si e vetmja garanci që drejtësia të funksionojë mbi bazën e fakteve, provave dhe procesit të drejtë ligjor.