Erion Veliaj në burg, Kryeministri në sulm: Pa Ramën dhe PS nuk ka SPAK!

Pas sulmit të furgonit të burgut që transportonte Kryetarin e Bashkisë Tiranë, Erion Veliaj, me masën e arrestit “arrest me burg” nga marksist-leninstët e Bashkisë Tiranë, sot Kryeministri Edi Rama e filloi ditën Sy m’Sy duke mbrojtur sërish Lali Erin Hajdut dhe duke sulmuar SPAK-un duke i bërë të qart se kjo Strukturë e Posaçme ekziston deri sa të ka vullnet ai dhe Partia Socialiste

“Nëse nuk e mbron Edi Rama në betejën e tij bashkë me PS, harrojeni të keni SPAK, sepse bufi i kënetës e thotë në mënyrë deklarative, më jepni votën të shkrij SPAK-un,” tha Edi Rama dhe ndryshe nga reagimet e tij në rastet e Ish-Kryeministrit Sali Berisha dhe Ish-Presidentit Ilir Meta, ai sot thotë se SPAK duhet të përballet edhe me kritika, pasi nuk është Vatikani dhe nuk është i pagabueshëm.

“Antikorrupsioni kur del nga shinat bëhet edhe më i rrezikshëm se vetë korrupsioni. Si more merren sipërmarrësit e vihen në rresht si të jenë kriminelë. Iu merren telefonat e u mbahen peng. Çfarë standardi demokratik është aty. I sheh gjithçka në telefona, i lexon gjithçka, gjëra private, bën edhe shantazhe insinuata, merreni një herë të gjithë me mend të vijë dikush në rrugë t’ju marrë telefonin, kur hyn drejtësia duhet të hyjë në telefon vetëm për pjesën që po heton dhe telefoni duhet të kontrollohet në syrin tënd.
SPAK nuk është Vatikani, edhe Vatikanin e kritikojnë, SPAK është një institucion i ri.

E domosdoshme të dëgjojnë edhe kritika, kritika jo intimidim dhe sulme personale. Nëse Veliaj ka bërë korrupsion do të duhet të shkojë në atë vend ku duhet të shkojnë të gjithë ata që bëjnë korrupsion.
Por korrupsion i provuar ama”, tha Kryeministri Edi Rama duke i lejuar vetes t’i jap leksione juridike edhe SPAK-ut se cili është ndryshimi mes të dyshuarit dhe të pandehurit, dhe kush quhet provë!

“Jeni të sigurt që e dimë të gjithë ne ndryshimin mes të dyshuarit dhe të pandehurit?
I dyshuari është dikush për të cilin edhe vetë prokuroria e di që nuk ka prova për të kërkuar burgosjen e tij.
I pandehuri është dikush për të cilin prokurori kërkon burg sepse ka prova dhe duhet të nisë gjyqi.

A e dini që kryebashkiaku i Tiranës nuk është i pandehur? Pra edhe vetë prokurori nuk kërkoj nisjen e gjyqit sepse nuk ka prova, por dyshime bazuar në prova të pamjaftueshme, këtë tregon statusi i Veliajt sot.”

Dhe jo vetëm kaq! Deri sot nuk ishte i interesuar për standarde demokratike por çuditërisht i kërkon sot, dhe po sot i jep leje Prokurorit se mund të çmendet, por jo gjykatësit!

“Trysni nga gjykatës si mund të quhet kur bëj një kërkesë legjitime për standardet demokratike. Ku thonë tironsit: U njohëm një cikë si shumë”.
Për çfarë janë të zgjedhurit, mish për top? Për një pushtet që e ndjeka veten aq të fuqishëm sa të ndërprerë kontratën e kryebashkiakut me qytetarët kur nuk ka as prova për gjyq, kush e drejton Tiranën? Kush?

Dikush ka thënë një herë, prokurori ka të drejtë edhe të çmendet, por ekuilibrin mes palëve e mban gjyqtari, dhe në reformën në drejtësi vendosëm figurën e panjohur më parë të gjykatësit paraprak.
Këtu na është bërë gjykata si stërspeciale që rrit peshën e dënimit. Edhe në kohën e sulltanëve gjyqtari ishte mbi opinionin e mbi sulltanin.”

Ndryshe,, dje kur ishte i paqartë nëse kishte vendim gjykate për arrestimin e Erion Veliajt dhe intimidoi dhe sulmoi personalisht prokurorin dhe gjyqtarin, sot kur gjithë ai përkushtim i dështoi dhe Gjykata e Posaçme nuk ndryshoi mendim për Kryetarin e Bashkisë Tiranë, Erion Veliaj, duke e lënë në burg, duke organizuar sulmin mbi makinën e burgut dhe duke penguar drejtësinë, vazhdon me sulme kundër SPAK-ut dhe GJKKO.

Për bashkëshorten e Erion Veliajt, Ajola Xoxa, GJKKO ndryshoi masën e sigurisë nga “arrest shtëpie” në “detyrim paraqitje” të premten e parë dhe të tretë të çdo muaji, në ora 11:00 ndërsa për 5 shërbëtorët e Erion Veliajt miqë të Kryeministrit që njihen si biznesmenë ndërtues, u la gjithashtu masa ekzistuese, për Elman Albulen “arrest me burg”, ndërsa për Gentjan Sula, Meriman Palushi, Fatmir Bektashi e Shkelqim Fusha, “detyrim paraqitje”