Erion Veliaj në shënjestër, Rama në Surrel: Nuk na rreni dot me dajre e fizarmonika!

Duke e paralajmëruar si një e shtunë ndryshe në oborrin e shkollës së Surrelit ku u inagurua rikontroskioni, Kryeministri Edi Rama nga, siç tha, katuni jonë, përveç kushteve optimale për nxënësit e mësuesit me investimin e parë serioz për këtë shkollë qysh nga viti 1969, kishte një mesazh të qartë për Kryetarin e Bashkisë Tiranë, Erion Veliaj, dhe deputetin e zonës, që siç u shprehë Kryeministri, “nuk na rreni dot as me dajre e fizarmonika”:

“Nuk na ftojnë këta ne, ne i ftojmë. Mirë se na erdhët ju në katunin tonë. Na lanë çik mbrapa se kapën veshin mbrapsht nga Kërraba po unë e kuptova me vonesë si shkonte kjo. Kur shkonin këta tanët deputetit, i thoshte ça doni ju, të gjitha i doni, keni kryeministrin. A thua se këta do hanë kryeministrin. Më vjen shumë mirë që ka përfunduar ky projekt. Tek shkolla kemi ardhur disa herë sepse këtu kemi pasur dhe votimet, shkolla ka qenë në gjendje të keqe,” tha Edi Rama duke cituar deputetin që i kishte thënë se nuk është investuar që në vitin 1969, gjithçka është bërë me shumë përkushtim dhe cilësi si kudo ku lali Eri vë dorë, por shtoi se Xhemali është si diversant në Surrel se është pak më andej dhe duke mos dashur të ushtroj presion mbi të dhe Lali Erin kishte një porosi:

“Ne presim por tolerancën tonë mos e merrni për dobësi, durimin tonë mos e merrni se ne nuk shohim se çfarë ndodh rreth e rrotull. Nuk na rreni dot as me dajre e fizarmonika, por ne kemi nevojë dhe më shumë.
Xhemal ti i di këto punë. Mos të bëjmë një peticion me Kujtim Qefalinë. Përtej shakave që janë gjysma e së vërtetës unë i falënderoj shumë mësuesit e mësueset. Këtu ne jemi njerëz që lexojmë e studiojmë në Surrel. Jemi shkolla e 12 në gjithë territorin. Pra, kur them në të gjithë, që nga shkollat në qendër të Tiranës, deri në Kërrabë.”

Me këtë rast, Kryeministri si katunar Surreli nuk fshehu dhe ambicien:

“Ambicia është të futemi tek 10-shja e parë. Nuk duam të dalim të parët se nuk duam ta turpërojmë qytetin. Ne katunarët e dimë vendin tonë por kujdes mos na nënvlerësoni. Ne jemi në punën tonë, shohim punën tonë, jemi solidarë. Mos na shihni kështu ne se jemi me shallvare se për pantallona, me xhaketë e jelekë me dashtë ju vëmë përpara. E pe atë çunin atje, me kostum perfekt, asnjë deputet nuk vishet si ai. Mos na shihni si modest, mos na provokoni,” tha Edi Rama duke përfunduar:

“Ju të qytetit na keni mbështetje por na mbani afër se vetëm të mira na keni. Ju japim mbështetje po të kërkoni, këshilla.”