Erion Veliaj paditet për shpifje, Lulzim Basha në GJKKO
Kryetari i Partisë Demokratike, Lulzim Basha është paraqitur sot në Gjykatën e Posaçme, për seancën e radhës ndaj Kryetarit Bashkisë Tiranës Erion Veliaj, të cilin e ka paditur për shpifje.
Me kalimin e shqyrtimit të padisë penale për shpifje nga Gjykata e Tiranës tek GJKKO, mësohet se Lulzim Basha ka refuzuar të pajtohet dhe gjyqi kundër Erion Veliajt ka vazhduar ndonëse u krijuan vonesa nga pala e padituru dhe mungesa e trupës gjykuese.
Pas ndryshimit të gjyqtares që kishte në dorë padinë penale të Bashës ndaj Veliaj, kreu i PD ka shkuar në seancë për të shmangur pezullimin e çështjes pas ndryshimit të gjyqtares dhe për të vijuar kështu këtë proces.
Ndryshe, 4 muaj më parë, Gjykata e Lartë njoftoi se GJKKO është kompetente për shqyrtimin e të gjitha akuzave penale të ngritura ndaj një zyrtari të lartë.
