Escobar në Tiranë, rëndësia e zgjedhjeve të 14 Majit

Në ditën kur Partia Socialiste filloi fushatëz zgjedhore për zgjedhjet e 14 Majit, Zv/Ndihmës Sekretari i SHBA për Çështjet Europiane dhe i Dërguari i Posaçëm për Ballkanin Perëndimor, Gabriel Escobar, sot në ditën e tij të parë të vizitës në Tiranë, në takimet me Presidentin Begaj, Kryeministrin Rama, Ministren e Jashtme Xhaçka erdhi me mesazhe të qarta mbi rëndësinë e zgjedhjeve të ardhshme vendore dhe zbatimin e rekomandimeve të ODIHR-it..

“Zëvendës Ndihmës Sekretari Escobar do të nënvizojë rëndësinë e zgjedhjeve të ardhshme vendore në Shqipëri, nevojën për të zbatuar rekomandimet e ODIHR-it dhe nevojën që partitë politike dhe liderët të sigurojnë që kandidatët të përmbushin kërkesat e ligjit si dhe pritshmëritë e qytetarëve shqiptarë për integritet të lartë,” thekson Ambasada amerikane në Tiranë në fund të ditës së parë të vizitës në Tiranë të Dërguarit të Posaçëm të SHBA për Ballkanin Perëndimor duke përfunduar:

“Ai do të diskutojë gjithashtu bashkëpunimin SHBA-Shqipëri për përparësitë rajonale dhe globale, përfshirë refuzimin e pushtimit rus të Ukrainës.”

Ndryshe, nesër Zëvendës Ndihmës Sekretari i SHBA për Çështjet Europiane dhe i Dërguari i Posaçëm për Ballkanin Perëndimor, Gabriel Escobar, pritet të zhvilloj takime me Kryetarin Nënkryetar të pD, Enkelejd Alibeaj dhe Kryetarin e Partisë Lirisë, Ilir Meta.