Escobar: Sanksione do të ketë por jo luftë në Bosnje!
Zv/Ndihmës Sekretari Amerikan i Shtetit për Evropë dhe Euroazi, Gabriel Escobar, në prag të vizitës në Bosnje Hercegovinë tha se dëshiron ti bëjë të qartë qytetarëve të këtij shteti se sanksione do të ketë por jo luftë!
Në një intervistë për RFE, Escobar tha se më 7 nëntor, sapo të shkojë në Sarajevë do të bisedoj me Ambasadorin e SHBA para se ti shpall sanksionet por nuk saktësoi se për çfarë sanksione është fjala.
“Kjo është në tavolinë. Por dua t’iu them njerëzve në BeH, nuk do të ketë luftë të re. Ne, bashkësia ndërkombëtare, partnerët tanë në Evropë, duam të jem të sigurt se përkushtimi jonë për paqe dhe siguri në rajon është reciprok. Sa i përket dobësimit të institucioneve qendrore, shkaku është korrupsioni. Atë që bënë anëtari i Presidencës Bosnje Hercegovinës, Millorad Dodik, është se dëshiron të mbroj fuqinë dhe paranë e tij. Kërkojmë nga njerëzit që të mos bien pre e këtij veprimi,” tha Escobar ndërkohë i pyetur nga RFE nëse beson se është ai që do të ndikoj në ndalimin e retorikës Anti-BeH, dhe lëvizjeve konkrete që merr Dodik, Escobar tha se axhendën e Dodikut askush në rajon nuk e mbështetë.
“Të jem i sinqertë, axhendën e Dodikut nuk e mbështetë askush në rajon, madje as Serbia, me të cilën kemi partneritet. Nuk duam ti ndajmë serbët, por nëse shikoni se çfarë bëjmë në Serbi, ku mbështesim “Open Balkan”, inicitaivën për lëvizjen e lirë të njerëzve dhe mallrave në mes të Serbisë, Shqipërisë dhe Maqedonis së Veriut, që e konsiderojmë zhvillim pozitiv në rajon. Kemi firmosur afër një miliard dollarë ndihma për partneritet të ri universitar me Beogradin, që është njëri ndër Universitetet më të mira, si dhe Budapestit, Athinës, në mes të Detit Adriatik dhe atij të Zi, ku kemi stërvitje ushtarake të beretave jeshile dhe marinsave amerikanë që stërvitin me Ushtrinë e Serbisë. Këtë mund ta bëjmë edhe për serbët në Republikën Srpska,” tha Escobar.
Ndryshe, i Dërguari Special i SHBA për Ballkanin Perëndimor, Gabriel Escobar, nesër zhvillon vizitën e tij parë që nga marrja e detyrës.
Ambasada e SHBA në Bosnje Hercegovinë përmes rrjetit social Twitter ka bërë të ditur se ai do të vizitoj Sarajevën dhe Banja Llukën për të konfirmuar mbështetjen e Shteteve të Bashkuara për sovranitetin dhe integritetin territorial të Bosnje Hercegovinës. Pritet që Gabriel Escobar me zyrtarët më të lartë të shtetit të BeH do të bisedojë për çështjet kyçe të korrupsionit duke i bërë thirrje liderëve që ti kthehen dialogut, thekson Ambasade e SHBA në BeH.
