“Escobari” turk kapet në Tiranë, me grupin trafikoi 14 miliardë paund drogë

Një 53 vjeçar nga Turqia u kap në Tiranë si i kërkuar nga drejtësia franceze për trafik ndërkombëtar të heroinës me familjen kriminale Baybesin, që ishin cilësuar si “Eskobarët e Evropës”.

Faruk Baybesin, i dënuar me 30 vite burg për trafik të heroinës kërkohet nga gjykata e Loire Atlantique, që e ka shpallur fajtor si pjesëtar të organizatës kriminale e cila trafikonte heroinë në Evropë heroinë. Drejtësia franceze përmes dokumenteve që i ka përcjellë me urgjencë kërkon dorëzimin e Baybesin me argumentin se përgjatë viteve 1994 -1995 Baybesin ishte aktiv në trafikun e drogës edhe në Francë, si anëtar i një bande që vepronte jo vetëm në Turqi, por edhe në Francë.

Baybesin është kapur në 24 dhjetor në pikën e kalimit kufitar të Rinasit, gjatë tentativës për të hyrë në vendin tonë. Gjykata e Tiranës në funksion të kërkesës së Francës ka vendosur arrest me burg 40 ditë për Baybesin. Ai ka pranuar që është djali i trafikanti të dënuar të drogës, Mahmut Baybesin, i cili gjithashtu rezulton të jetë pjesë e familjes së narkotrafikut në fjalë. Pas mbërritjes së letërporsive nga Franca, tashmë është hapur rruga për dërgimin e tij për të shlyer dënimin prej 30 vitesh burg.

Ndryshe, grupi të cilit i takonte Faruk Baybesin u cilësua “Eskobarët e Evropës”, pasi shefi i këtij grupi Husein Baybaşin mori emrin Eskobari i Evropës. Për aktivitetin e këtij grupi në atë kohë, mediat raportonin se Hüseyin Baybaşin, Mehmet Emin Baybaşin, Mehmet Şerif Baybaşin, Mehmet Şirin Baybaşin, Mahmut Baybaşin janë anëtarë të familjes që përfundoi në burg për drogë. Të ardhurat e grupit nga heroina janë vlerësuar në 10 miliardë paund.