“Është e nuk është kryetare!”/ Voltana Ademi, përgjigje për Edi Ramën: I çmendur!

Pas mbledhjes së Kryesisë së PS, Kryeministri Edi Rama ishte shqetësuar vetëm pse Shkodra nuk ka Kryetar dhe jo që në krye të kësaj bashkie kishte kandiduar një kriminel ashtu si dhe në disa bashki tjera që vazhdojnë të jenë për kryetar. Dhe si mjeshtër i komunikimit shpiki një fyerje për kryetaren në detyrë të Bashkisë Shkodër, Voltana Ademi në mënyrë që mediat të merren me fyerjet e tij.

Por ja që përgjigja e Voltana Ademit zuri më shumë vend se sa togfjalëshi i tij kur tha se “Shkodra ka një kryetare që është e nuk është kryetare”.

“T’ju them të drejtën, nuk e kam dëgjuar këtë deklaratë, sepse isha në një aktivitet për mbështetjen e gjithanshme të artizanëve në Shkodër. Madje, e kam randë ta shoh Ramën në show-un që, edhe mbi një fatkeqësi siç është tërmeti i 26 nëntorit me 51 jetë të humbura, po bën paturpësisht.”

Sa për situatën e rëndë, në tokën tonë, tha Voltana Ademi, nuk di të kemi patur ndonjë krizë më të madhe ekonomike, sociale, nuk di të kemi patur ndonjëherë kaq shumë pasiguri, nuk di të kemi patur kaq shumë korrupsion, nuk di të kemi patur kaq shumë grabitje të pronës e parave publike, nuk di të kemi patur kaq shume shkelje e mosrespektim të kushtetutës, ligjeve në fuqi e institucioneve, nuk mbaj mend të jemi ndjerë kaq pa shpresë.

“Çdo deklaratë tjetër jashtë këtij konteksti, është thjesht show i radhës i të ashtuquajturit kryeministër. Dhe s’kemi parë asgjë akoma! Zhytja në errësirën e deficitit financiar, inflacioni që do të rritet për shkak të administrimit të keq të parave dhe institucioneve financiare të shtetit, paaftësia për përballjen me fatkeqësinë natyrore dhe çmenduria që prodhon veç një njeri i çmendur, ka rrisk të na hedh ekonomikisht në humnerë!”

Viti tjetër uroj të jetë një vit i qetë për shqiptarët, tha Kryetarja e Bashkisë Shkodër, Voltana Ademi, duke përfunduar:

“Për ta bërë këtë do të duhet të bëhemi bashkë, për të hequr të keqen, e për të themeluar atë (demokracinë) që nuk arritëm dot ta ndërtojmë……
E vështirë do të jetë shumë! S’kemi rrugë tjetër!”

Ndryshe, sot kryeministri Edi Rama, pas mbledhjes së Kryesisë së PS, kur u pyet se çfarë do të bëhet me ato bashki që aktualisht janë pa kryetarë, ai foli me fyerje për Shkodrën dhe Kryetarn e saj Voltana Ademi:

“Sa i përket Shkodrës nuk ka një vendim. Është në situatën më të rëndë, ka një kryetare që është e nuk është kryetare. Po është një çështje që nuk është në dorën tonë, presim të marri një zgjidhje.”

Deklarata e plotë

“T’ju them të drejtën, nuk e kam dëgjuar këtë deklaratë, sepse isha në një aktivitet për mbështetjen e gjithanshme të artizanëve në Shkodër. Madje, e kam randë ta shoh Ramën në shoë-un që, edhe mbi një fatkeqësi siç është tërmeti i 26 nëntorit me 51 jetë të humbura, po bën paturpësisht. Shkodra është fatmirësisht qyteti me njerëzit e lirë e solidar, që punojnë e me shumë sakrifica jetojnë, përballen me të keqen sharlatane që i ashtuquajturi kryeministër ka mbjell në ketë vend. Bashkia Shkodër është bashkia pa borxhe, që ka dyfishuar të ardhurat e veta, që ka performancën më të mirë në menaxhim dhe administrim, është bashkia transparente dhe që lufton korrupsionin, që u del për zot halleve të bashkëqytetarëve te vet, që shërben e që përpiqet të ndërtojë përditë e me shumë mund.
Meritë e kësaj janë shkodranët dhe askush tjetër.

Sa për situatën e rëndë, në tokën tonë nuk di të kemi patur ndonjë krizë më të madhe ekonomike, sociale, nuk di të kemi patur kaq shumë rrjedhë, e pa pushim, emigracioni të “trurit”, nuk di të kemi patur një shkatërrim kaq të madh të sistemit institucional. Nuk di të kemi patur një shkatërrim të burokracisë dhe të administrimit institucional e shtetëror, nuk di të kemi patur ndonjëherë kaq shumë pasiguri, nuk di të kemi patur kaq shumë korrupsion. Nuk di të kemi patur kaq shumë grabitje të pronës e parave publike, nuk di të kemi patur nivel kaq të ulet të investimeve publike, nivel kaq të ulët e pasiguri të investitorëve dhe investimeve private të huaja ( investitorët e huaj janë zhdukur me vrap nga ky vend). Nuk di të kemi patur, kaq sa sot, dhunim të të drejtave të njeriut, nuk di të kemi patur kaq shumë mashtrim përkundrejt lirisë dhe të drejtës për informim, nuk di të kemi patur kaq shume shkelje e mosrespektim të kushtetutës, ligjeve në fuqi e institucioneve, nuk mbaj mend të jemi ndjerë kaq pa shpresë..

Çdo deklaratë tjetër jashtë këtij konteksti, është thjesht shoë i radhës i të ashtuquajturit kryeministër. Dhe s’kemi parë asgjë akoma…zhytja në errësirën e deficitit financiar, inflacioni që do të rritet për shkak të administrimit të keq të parave dhe institucioneve financiare të shtetit, paaftësia për përballjen me fatkeqësinë natyrore dhe çmenduria që prodhon veç një njeri i çmendur, ka rrisk të na hedh ekonomikisht në humnerë !!!

Viti tjetër unë uroj të jetë një vit i qetë për shqiptarët…
Për ta bërë këtë do të duhet të bëhemi bashkë, për të hequr të keqen, e për të themeluar atë (demokracinë) që nuk arritëm dot ta ndërtojmë……
E vështirë do të jetë shumë! S’kemi rrugë tjetër!”