Është idiot apo bënë sikur, Macron: Në Serbi investimet kineze dhe ruse…

Presidenti i Francës, Emmanuel Macron ka stonuar në shumë raste në Konferencën e Sigurisë në Munchen por debati për Ballkanin ka dëshmuar se ai në rastin më mirë është plotësisht i painformuar.

Negociatat për anëtarësim, tha Macron, nuk duhet të jenë politika e  vetme e Bashkimit Evropian ndaj Ballkanit dhe nuk është detyrimisht mënyra më e mirë për rritjen e ndikimit evropian në rajon.

Me këtë rast mori shembull Serbinë e cila për pesë vjet vazhdon negociatat për anëtarësim në BE, por që investimet në këtë vend, tha ai, nuk janë evropiane por kineze dhe ruse.

“Merrni shembull Serbinë. Presidenti Vuçiç bënë një punë të shkëlqyer, kam shumë respekt për të sepse ka treguar se është lider në vendin e tij, por investimet që shikoni atje nuk janë evropiane, por ruse dhe kineze. Mirë është të hapësh kapitujt e negocimit, por kjo nuk ndryshon jetën e njerëzve,” tha Macron dukshëm i pa informuar ndërsa shpreh shqetësimin madje se serbët mund të mërziten dhe humbin durimin ndërsa kemi lejuar që të tjerët të investojnë.

Në rastin më të mirë, nëse e marrim të mirëqenë se Emmanuel Macron është i painformuar edhe kur flet në një Konferencë të rëndësishme si ajo e Sigurisë në Munchen, administrata që i shërben atij duhet të dinë dhe të dhënat e Brukselit zyrtar përveç se fjalët e Vuçiçit. Ndryshe, meqë nuk ka serb në botë që mendon se Rusia dhe Kina investojnë në Serbi më shumë se BE, dhe këtë e konfirmojnë edhe të dhënat zyrtare me një ndryshim të thellë, a është rasti më i keq se ky bënë sikur është idiot.

E ajo që vërtetëon këtë fakt dhe publikon të dhëna, Banka Popullore e Serbisë, tregon se 70 për qind e investimeve të huaja vijnë nga BE. Vetëm 9.11 për qind vijnë nga Rusia dhe 2.65 nga Kina.

Pse heshtën të pranishmit në Konferencën e Sigurisë në Munchen kur Macron fliste nuk është e qartë, por pse lejohet të fliten edhe broçkulla të tilla dëshmon edhe mungesa e rezultateve nga kjo Konferencë të cilës i ka mbetur vetëm nami.