EURO 2024, beteja për çerekfinale në Grupin E

Përballjet e sotme në Grupin E në orët 18:00 do të ngelen në historinë e Kampionatit Evropian të Futbollit, pasi në raundin e tretë, që të katër kombëtaret kanë nga tre pikë dhe do të jetë dita e sotme që do të formësoj pëfundimisht renditjen në Grup.

Sllovakia do të përballet me Rumaninë, kombëtare që asgjë nuk treguan deri mës sot, ndërsa Belgjika që ngadhnjeu së fundi ndaj Rumanisë, sot do ta ketë përballë Ukrainën e cila në ndeshjen e fundit befasoi me një superlojë ndaj kombëtares sllovake ku fitoi 2:1.

Në Grupin F ende nuk ka përfunduar gjithçka por dihet që kreun e tabelës e ka siguruar Portugalia pavarësisht rezultatit nga përballja e sotme në orën 21:00 me Gjeorgjinë, ku kombëtarja gjeorgjiane vetëm me fitore mund të mbetet me shpresë.

Ndërkohë Turqia dhe Çekia vetëm pas përballjes së sotme në orën 21:00 do të vendosin se cila kombëtare do të renditet në vendin e dytë dhe a do të jetë Çekia ajo e cila do të përfundoj këtë Kampionat.

Ndryshe, me përballjet e sotme në Grupet E dhe F përfundon gara për çerekfinalet e EURO 2024!