EURO 2024, Franca dhe Belgjika në luftë për çerekfinale
Padyshim që përballja më interesante për çerekfinale të Kampionatit Evropian të Futbollit është ajo sot e orës 18:00 ku përveç kombëtareve të Francës dhe Belgjikës që janë në fushë, në shkallët e stadiumit të Düsseldorfit janë dhe tifozët frankofonë në siklet, që i duan të dyja ekipet në çerekfinale.
Por, kjo është mrekullia e futbollit, kur tashmë ndeshen dy ekipe superiore që në grupet e tyre dëshpruan duke zënë vendet e dyta ndonëse pritshmëria e ishte e madhe për vendin e parë.
Franca e cila edhe pse nuk tregoi ndonjë cilësi në ndeshjet e para, gjithsesi vazhdon të jetë pretendent për vendin e parë, dhe e gjitha i kushtohet famës që ka nga e kaluara.
Ndërkohë Belgjika që po e përmbyll dekadën e dytë me gjeneratën e artë të lojtarëve të mëdhenjë, nuk ka arritur asnjë sukses të madh dhe vlerësohet se ky është rasti i fundit për ata që sot kanë mbi supe dhe vite të tëra jete, që të arrijnë deri tek medalja dhe ta përmirësojnë shijen e hidhur që kanë lënë te tifozët belgë.
Ndryshe, Franca dhe Belgjika janë përballur deri më tani 18 herë, ku francezët kanë arritur shtatë fitore, belgët pesë ndërsa plotë gjashtë herë janë detyruar të kënaqen me barazim.
Dhe, askush nuk dëshiron të përsëritet drama nga ndeshja e fundit e play offit të Ligës së Kombeve më 2021, kur pas anulimit të golit të Lukakut, ishin minutat e fundit kur me golin e Théo Hernández ngadhnjeu Franca.
Ndërsa në orën 21:00 në Frankfurt të gjithë presin një fitore të padiskutuar të Francës me Sloveninë, por pjesëmarrja e kombëtares sllovene në këtë Kampionat Evropian nuk respektoi parashikimet për grupin ku ishte dhe Anglia, Danimarka dhe Serbia.
Të përzgjedhurit e Matjazh Kek tashmë kanë shkruar historinë dhe nuk e kanë qetësuar aspak Roberto Martinezin kur u kuptua se Portugalia si njëri nga pretendenëtet për kampion, ka përballë Sloveninë.
Kështu, drejtë kësaj përballje Portugalia është nisur ta fitoj titullin e Kampionatit Evropian të Futbollit ndërsa Slovenia nuk ka se çfarë të humb, as betejën për çerekfinale sepse ka arritur kulmin!
