EURO 2024, Holanda dhe Franca në betejë vendimtare për kreun e grupit

Dita e tetë në EURO 2024 sjell dhe supersfidën për kreun e Grupit D në mes të Holandës dhe Francës që luhet në orën 21:00. Ndërkohë në orën 15:00 Sllovakia përballet me Ukrainën ndërsa në orën 18:00 Polonia me Austrinë përballjen ia kushtojnë vendit të dytë për vazhdimin e garës në Kampionatin Evropian të Futbollit.

Në përballjen e orës 15:00 në Düsseldorf, Sllovakia ka arsye madhore pas fitores kundër Belgjikës në raundin e parë që të kërkojë garantimin e kualifikimit me fitoren kundër Ukrainës, misioni i së cilës po shkon drejt të pamundurës.

Ndërsa në orën 18:00, Polonia dhe Austria ndeshen në Berlin si dy ekipe që në raundin e parë treguan cilësi të larta dhe sot vetëm vendosin se cila prej tyre mund ta vazhdoj ëndrrën evropiane EURO 2024.

Spektakël i vërtetë pritet në orën 21:00 në stuadiumin e Leipzigut, ku Holanda dhe Franca përveç përballjes për kreun e grupit do të luftojnë dhe për kundërshtarin më të dobët në çerekfinale.