EURO 2024, sot gjysmëfinalja e parë Spanjë-Francë

Sot në Arenën e Munichut, në orën 21:00 është përballja e gjysmëfinales parë të EURO 2024, mes Spanjës dhe Francës.

Në gjysmëfinalen e parë Spanja futet me asnjë ndeshje të humbur në këtë Kampionat Evropian, e renditur e para me 11 pikë të fituara, dhe me 102 përpjekje për të shënuar gol sërish e para, janë dëshmi se bëhet fjalë për kombëtaren më të mirë deri më tani në EURO 2024.

Në rrugëtimin drejt finales, Spanja kërcënohet nga Franca edhe pse nuk ishte aq bindëse në pesë përballje e luajtura. Franca ka fituar evropianët e vitit 1984 dhe 2000, ka luajtur në finalen e EURO 2016 dhe botërorët e vitit 2018 dhe 2022, përvoja këto që i mungojnë spanjollëve të rinjë.

Kombëtarja e Spanjës tre herë ishte e para në Kampionat Evropian 1964, 2008 dhe 2012 ndërsa sfida e sotme për trajnerin Luis de la Fuente Castillo është më e madhja që nga angazhimi i tij.

Ndryshe, Spanja dhe Franca kishin 36 përballje deri më sot, ku kombëtarja spanjolle ngadhnjeu 16 herë, tre herë ka triumfuar kombëtarja franceze ndërsa shtatë prej tyre përfunduan me barazim.