Euro vazhdon me rënie, Bordi vazhdon me rritjen e çmimit të karburanteve

Ndonëse euro vazhdoi me rënien dhe sot ka arritur minimumin historik prej 110.73 lekë, Bordi i Transparencës bënë të pavarurin edhe ndaj vlerës së valutës në treg duke rritur çmimin e karburanteve.

Kështu, sipas Bordit të Qet Kastratit, nafta është rritur për 4 lekë dhe do të tregtohet më 173 lekë për litër.

Ndërsa benzina do të tregtohet me 173 lekë për litër nga 172 lekë sa ishte me vendimin e datës 5 maj.

Ndërkohë gazi do të tregtohet me 63 lekë për litër.

Ndryshe, çmimet e caktuara nga Bordi i Transparencës hynë në fuqi sot në datë 10 Maj, ora 18:00, dhe do të jenë të vlefshme deri në mbledhjen e ardhshme të Bordit ku do të pasqyrohen ndryshimet e çmimeve të shitjes.

Njoftim:

Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 173 lekë/litri, ndërsa i shitjes me shumicë jo më shumë se 161 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 173 lekë/litri, ndërsa i shitjes me shumicë jo më shumë se 161 lekë/litër.

Çmimi i shitjes me pakicë i nënproduktit gaz, të jetë 63 lekë/litri me pakicë dhe i shitjes me shumicë 51 lekë/litër për automjetet.

Çmimi i gazoilit për peshkim është vendosur 79 lekë/litër.

Çmimet e caktuara nga Bordi do të hynë në fuqi në datë 10 Maj ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.