Euroactiv, Basha: Për hapjen e negociatave, Shqipëria ka nevojë për një lidership!

Derisa Presidenti i Francës, social-liberali i En Marche, Emmanuel Macron është i vendosur kundër çeljes së negociatave me Shqipërinë, dhe, sot në ditën e dytë të Samitit në Bruksel po punohet për ta bindur që Maqedonia e Veriut të marrë një mendim pozitiv nga liderët e Bashkimit Europian, Kryetari i Partisë Demokratike, Lulzim Basha shprehet qartë për rrjetin mediatik “Euroactiv” se vendi ynë e ka potencialin për të përmbushur 9 kriteret e Budestagut por kemi nevojë për një lidership që do të realizojë çeljen e negociatave me BE.

“Vendimi i Këshillit Europian nuk është ai që dëshironim dhe shpresonim. Tani e gjithë energjia dhe fokusi ynë duhet të jetë tek kryerja e detyrave të shtëpisë,” thekson Lulzim Basha duke sjellë në vemendje 9 kushtet që ka shtruar Gjermania dhe përbëjnë udhërrëfyesin për hapjen e negociatave të anëtarësimit.

“Ne duhet gjithashtu të luftojmë me efektivitet krimin dhe korrupsionin dhe të krijojmë mundësi për qytetarët tanë, që do të ndihmojë për të reduktuar emigracionin,” thekson Kryetari i Partisë Demokratike, Lulzim Basha, për rrjetin mediatik “Euroactiv” duke përfunduar:

“Unë kam besim se vendi im e ka potencialin për të përmbushur këto kritere. Tani kemi nevojë për lidershipin që do ta realizojë potencialin e plotë të Shqipërisë”