Eurobondi 500 milionë euro/ Reagimi, Tabaku: Rama e quan arritje marrjen e borxhit për të shlyer borxhin!
Pa asnjë investim, pa rrugë, pa shkolla, pa spitale me taksa të rritura 4 miliardë e prapë Edi Rama merr borxh për të shlyer borxhin. Kështu reagon deputetja e Partisë Demokratike, Jorida Tabaku pasi Shqipëria mbylli daljen e saj të tretë në tregjet e kapitalit duke emetuar një Eurobond me vlerë 500 milionë euro dhe kupon fiks 3.55 për qind, duke saktësuar se Edi Rama merr borxh për të shlyer borxhet që mori katër vjeçarin e parë, për luks e udhëtime, pisha dhe palma!
“Në një kohë kur, në janar 2018 Maqedonia doli në treg me Eurobond me interes 2.75 për qind dhe në prill 2018 Mali i Zi në Prill doli me një interes Eurobondi 3.375 për qind! Shqipëria sot me 3.55 për qind,” thekson Jorida Tabaku ndërsa rikujton se borxhi i fshehur prej PPP-ve shkon në 82 për qind me një ekonomi të prangosur nga monopolet, ku e ardhmja e qytetareve është e zymtë e sipas INSTAT mbijetojnë me 600 lekë në ditë!
Por cila është zgjidhja dhe si mund të çlirohet, deputetja e PD, Jorida Tabaku shprehet:
“Ekonomia çlirohet kur ikin monopolet, kur buxheti nuk ndahet si plaçkë, kur i jepet mundësi të gjithëve në treg. Ekonominë e çliron taksa e sheshtë dhe derregullimet për biznesin e vogel, oferta e PD!”
Deklarate e plotë:
Pa asnjë investim, pa rrugë, pa shkolla, pa spitale me taksa të rritura 4 miliardë e prapë merr borxh për të shlyer borxhin. Merr borxh për të shlyer borxhet që mori katër vjecarin e parë, parà që i përdori për luks e udhëtime, pisha dhe palma!
Në një kohë kur, në janar 2018 Maqedonia doli në treg me Eurobond me interes 2,75% dhe në prill 2018 Mali i Zi në Prill doli me një interes Eurobondi 3,375%! Shqipëria sot me 3,55%.
Me një borxh të fshehur prej PPP-ve që shkon në 82% me një ekonomi të prangosur nga monopolet e ardhmja e qytetareve është e zymtë te cilët sipas INSTAT mbijetojnë me 600 lekë në ditë!
Ekonomia çlirohet kur ikin monopolet, kur buxheti nuk ndahet si plaçkë, kur i jepet mundësi të gjithëve në treg. Ekonominë e çliron taksa e sheshtë dhe derregullimet për biznesin e vogel, oferta e PD!
