Europol mbyll 25 shërbime televizive të paligjshme. Sekuestrohen miliona në kriptovaluta

Në një operacion të madh ndërkombëtar i cili u krye nga 10 deri më 14 nëntor, Europol së bashku me Zyrën e Pronësisë Intelektuale të Bashkimit Evropian, EUIPO, dhe Policinë Kombëtare Spanjolle, goditi piraterinë online.

Operacioni, i quajtur “Java e Patrullimit Kibernetik”, mblodhi 30 hetues nga e gjithë Evropa në selinë e EUIPO-s në Alicante, duke përdorur mjete të teknologjisë së fundit për të identifikuar shkeljet e pronësisë intelektuale, tha Europol.

25 shërbime të paligjshme televizive u mbyllën
69 faqe interneti me një trafik total të vlerësuar prej gati 12 milionë vizitorësh në vit u identifikuan dhe u vunë në shënjestër.

Plot 25 shërbime të paligjshme IPTV u raportuan te ofruesit e shërbimeve të kriptovalutave për mbyllje, ndërsa hetime shtesë janë duke u zhvilluar në 44 faqe të tjera. Hetuesit arritën të gjurmojnë kriptovaluta me vlerë rreth 47 milionë euro ose rreth 55 milionë dollarë, që ishin të lidhura me këto shërbime të paligjshme.

Një zhvendosje drejt kriptovalutave, por policia ka gjetur një zgjidhje

Operacioni u fokusua në trendin në rritje në të cilin kriminelët po i drejtohen kriptovalutave në vend të metodave tradicionale të pagesës, duke besuar gabimisht se kjo garanton anonimatin.

Për të goditur këtë problem, hetuesit aplikuan një strategji të re, ata vetë përdorën kriptovaluta për të blerë shërbime të paligjshme. Kjo i lejoi ata të identifikonin kriminelët dhe portofolet e tyre dixhitale, të cilat më pas u raportuan bursave partnere të kriptovalutave.

Kjo qasje mundësoi që piratët, siç quhen shpesh autorët e këtyre krimeve, të goditen aty ku ju dhemb më shumë. në xhep.

Duke ndërprerë rrjedhën e parave dhe duke mbyllur llogaritë e tyre kripto, ekonomia globale dhe autorët, veprat e të cilëve po vidhen, mbrohen drejtpërdrejt.