Eurostat: Shqiptarët më të varfrit në Evropë, Basha: Boll më! Koha për ndryshim…

Pas publikimi të dhënave nga Eurostat për PBB për frymë ku Shqipëria në vitin 2019 ishte sa 31% e mesatares së BE-së, duke e renditur vendin tonë me potencialin ekonomik më të dobët në Europë, ka reaguar Kryetari i Partisë Demokratike, Lulzim Basha, duke theksuar se është koha për ndryshim e shqiptarët meritojnë një qeveri që punon për ta.

“‪Vitin e kaluar shqiptarët ishin më të varfërit në Europë. Edhe gjatë pandemisë ata patën ndihmën më të ulët në rajon nga qeveria, çka ka çuar në rritje të varfërisë dhe pamundësisë për shumicën,” thekson Lulzim Basha në reagimin e tij përmes rrjetit social Facebook duke përfunduar:

“Boll më! Është koha për ndryshim. Shqiptarët meritojnë një qeveri që punon për ta.”

Ndryshe, sipas të dhënave të Eurostat, Shqipërisë do t’i duhen dekada të tëra që të mund të arrijë standardet ekonomike të Bashkimit Europian, nëse hipotetikisht Ekonomia e BE-së ndalon rritjen dhe ekonomia e Shqipërisë vijon me ritmet e para krizës, 2-3% në vit.