Evazion fiskal në Mal të Zi, padi penale ndërtuesit nga Shqipëria

Shërbimi për luftën kundër krimit të organizuar – Dega e luftës kundër korrupsionit, krimit ekonomik dhe hetimit financiar kanë ngritur padi penale për shkak të evazionit fiskal dhe kontributeve ndaj ndërtuesit nga Shqipëria me inicialet X.G dhe personit juridik SHP Xhulio nga Podgorica.

Të dyshuarit, raportojnë mediat në Mal të Zi, akuzohen se gjatë zbatimit të projektit në autostradën “Princesha Ksenija” nuk kanë raportuar të ardhurat dhe kanë përfituar shuma të konsiderueshme në dëm të buxhetit të shtetit.

“Në fakt, X.G., shtetas i Shqipërisë, dhe personi juridik SHPK Xhulio DSD nga Podgorica dyshohen për vepër penale të evazionit fiskal dhe kontributeve ku X.G. si person përgjegjës, gjatë zbatimit të punëve ndërtimore në autostradën ‘Princesha Ksenija’, nuk ka raportuar të ardhura në vlerën totale prej 828.548 euro në vitet 2019 dhe 2020,” ka bërë të ditur policia malazeze duke saktësuar se të dyshuarit në këtë mënyrë kanë përfituar në dëm të buxhetit të shtetit të Malit të Zi shumën prej 248.564 euro.