Exit Poll: LVV humb Prishtinën, Përparim Rama Kryetar i Komunës me 50.95%
Lidhja Demokratike e Kosovë rikthehet në drejtimin e Komunës së Prishtinës me Përparim Ramën.
Këtë e konfirmon Exit Poll i realizuar nga Tomor Qela, i cili u prezantua nga Klan Kosova, duke folur për një fitore të ngushtë ku Përparim Rama ka marrë 50.95 për qind përballë Arben Vitisë nga Lëvizja Vetëvendosje, i cili ka marrë 49.05 për qind.
Përparim Rama (LDK): 50.95%
Arben Vitia (LVV): 49.05%
Dhe po sipas këtij Exit Polli, Lëvizja Vetëvendosje humb edhe Prizrenin!
Kështu Shaqir Totaj i PDK-së ka fituar Prizrenin me 50.60 për qind, ndërsa Mytaher Haskuka i Vetëvendosjes ka marrë 49.40 për qind.
Dhe, po sipas këtij Exit Polli, Lëvizja Vetëvendosje ka humbur edhe Podujevën dhe është rikthyer Lidhja Demokratikek e Kosovës, ku është konfirmuar se Agim Veliu ishte shkaku kryesor i humbjes së LDK-së në këtë bastion.
Kështu Ekrem Hyseni i Lidhjes Demokratike të Kosovës e ka fituar Podujevën me një diferencë të konsiderueshme prej 8.54 për qind , duke marrë 54.28 për qiind përballë Shpejtim Bulliqit të Lëvizjes Vetëvendosje i cili ka marrë 45.72%
Ekrem Hyseni (LDK): 54.28%
Shpejtim Bulliqi (VV): 45.72 %
Se cila është rëndësiai e kandidatit në zgjedhjet lokale flet edhe Komuna e Gjilanit, ku sipas këtij Exit Polli Lutfi Haziri ka konfirmuar fitoren.
Kështu Lutfi Haziri i Lidhjes Demokratike të Kosovës ka fituar në Gjilan me 50.87 për qinnd të votave, derisa Alban Hyseni përballë tij nga Lëvizja Vetëvendosje ka marrë 49.13 për qind të votave.
Lutfi Haziri (LDK): 50.87 %
Alban Hyseni (VV): 49.13 %
Ndërkohë në Istog nuk kishte befasi pasi Lidhja Demokratike e Kosovës ashtu siç pritej korri një rezultat shumë të thellë.
Sipas Exit Poll, Iliri Ferat i Lidhjes Demokratike të Kosovës ka marrë 60.39 për qind të votave përballë kandidatit të Aleancës për Ardhmërinë e Kosovës, Bekë Berisha, i cili arriti të marrë 39.61 për qind të votave.
Ndërkohë KQZ e Kosovës raporton se pjesëmarrja ishte 37.85 për qind ndërsa premtoi që me rezultatin paraprak do të dalë shumë shpejtë deri sa nuk raportohet për shkelje të rënda.
Rezultatet në kohë reale mund ti shikoni KËTU:
Ndryshe, nga 38 komuna sa Kosova, vetëm në 17 prej tyre u arrit të zgjedhen kryetarët e komunave në raundin e parë. Sot raundi i dytë u zhvillua në 21 komuna!
