Exit Poll, “Noto Sondagi”: Fitues, Opozita e Bashkuar me 50%
Exit Polli i “Noto Sondagi” bazuar në 100% të votave të përpunuara, e nxjerr fituese të zgjedhjeve parlamentare 2021, Opozitën e Bashkuar me 50 për qind ndërsa Partia Socialiste renditet e dyta me 46 për qind.
Kështu, sipas këtyre të dhënave, PS rezulton me 44.5-48.5% (46%), ose 68-72 mandate, me një mesatare prej 70 mandatesh.
PD-Aleanc për Ndryshim merr 42-46% të votave (44%), ose 64-68 mandate, me një mesatare prej 66 mandate.
Nga ana tjetër, LSI merr 4-8% (6%) të votave në rang kombëtar, ose 2-5 mandate, me një mesatare pre 3.5 mandate në gjithë vendin.
PSD e Tom Doshit sipas Exit Pollit të Notos merr 0-2% të votave (1%), ose 1-2 mandate, me një mesatare prej 1.5 mandate.
Po në këtë përqindje është edhe Nisma Thurje, por që sipas Exit Pollit të Notos nuk arrin të marrë një mandat.
Ndërkohë edhe në Tiranë e Durrës, Opozita e Bashkuar del fituese ndërsa rezultat i ngusht është në Elbasan.
Nga përpunimi i 100% të të dhënave, del që në Tiranë, PS 42-46% ndërsa PD 43.5-47.5% LSI 5-9, PSD 1.-3 Thurja 0-1%.
Në Durrës nga përpunimi i 100% të votave PS del me 41-45% ndërsa PD 42-46% LSI 5.5-9.5%, PSD 1-3% Thurja 0-2%.
Ndërkohë KOmisioni Qendror i Zgjedhjeve ka raportuar se pjesëmarrja në zgjedhjet parlamentare 2021 ishte 48.59 për qind.
Në përfundim të orarit zyrtar të procesit të votimit, kryetari i KQZ, Ilirjan Celibashi, tha se do të nisë menjëherë numërimi i votave e rezultati për partitë dhe koalicione do të dalë brenda 48 orëve. Me këtë rast, ai iu kërkoi krerëve të partive politike që të ruajnë qetësinë, gjatë numërimit të votave.
“Nga informacionet që ka KQZ, rezulton se ky proces zgjedhor u karakterizua nga qetësia dhe siguria. Natyrisht që nuk mund të shpëtonim nga disa episode, por në përgjithësi mund të thuhet që ishte një proces zgjedhor, ose proces votimi, në përputhje me parashikimet e Kodit Zgjedhor.
Dua të jem i sinqertë e të pranoj se ka qenë një tension i madh në KQZ, në lidhje me ecurinë e procesit të identifikimit elektronik, për faktin se ishte një proces shumë i vështirë nga shumë pikëpamje, që do duhej dhe u realizua në një kohë të shkurtër. Dua të them se janë më pak se 200 qendra votimi, rreth 167, në të cilat nuk është përdorur pajisja e identifikimit elektronik. Në 86 prej tyre nuk u përdor për faktin se nuk u paraqitën operatorët dhe në pjesën tjetër për shkak të pamundësisë së operatorëve për të përdorur pajisjen. Mendoj që ky projekt mund të konsiderohet me sukses të plotë dhe padiskutim që meritën kryesore e ka nënkomisionerja Pelinku, të cilën gjej rastin ta përshëndes.
Tani që procesi i votimit ka përfunduar, ose është duke u përfunduar, është e nevojshme të sjell në vëmendje detyrimet e komisionerëve për të përmbyllur procesin. Do të presim të numërohen fletët e votimit për të marrë vesh se kush është fituesi i këtyre zgjedhjeve. Partitë të ruajnë qetësinë. Gjithë lidershipi politikë duhet të kuptojë se ka nevojë për shumë qetësi në këtë moment,” tha Celibashi duke përfunduar:
“KQZ ka marrë të gjitha masat që procesi i numërimit të përfundojë brenda 48 orëve për partitë politike dhe koalicionet, për të vijuar me rezultatin për kandidatët. Gjithë procesi i numërimit të fletëve të votimit do të jetë i vëzhguar nga vëzhgues vendas e ndërkombëtarë. Do të fillojmë menjëherë procesin e numërimit, sapo të përmbyllim procesin e votimit dhe transportimin e kutive në mënyrë të sigurt në vendet e numërimit të votave.”
