Facebook ndalon llogaritë e QAnon
Rrjeti social Facebook ndaloi të gjitha llogaritë që lidhen me teorinë e komplotit QAnon. “Nisur nga sot, ne do t’i heqim faqet në Facebook dhe grupet dhe llogaritë në Instagram,” tha Facebook përmes një deklarate duke shtuar se stafi i kompanisw ka nisur ta heqë përmbajtjen e QAnon-it dhe t’i fshijë grupet dhe faqet e tij, por paralajmëroi se kjo punë kërkon kohë dhe se do të vazhdojë në ditët dhe javët e ardhshme.
Numri i grupeve të QAnon-it në Facebook thuhet se është rritur ndjeshëm gjatë masave të izolimit nga koronavirusi ndërkohë në korrik, Twitter ndaloi mijëra llogari të QAnon dhe tha se do të ndalojë së rekomanduari përmbajtje të lidhur me këtë teori.
Ndryshe, sulmin terrorist në Qendrën Botërore Tregtare në New York më 11 shtator 2001 e kanë organizuar shërbimet sekrete amerikane; Pandeminë COVID-19 e kanë shkaktuar kompanitë e mëdha farmaceutike të kryesuar nga Bill Gates; Presidentin amerikan John F. Kennedy e ka vrarë CIA; Një grup i vogël njerëzish (që janë dhe pedofil) e kontrollojnë gjithë botën; Janë disa nga teoritë e komplotit të cilat gjatë viteve të kaluara kanë mbledhur një numër të konsiderueshëm të mbështetësve në internet dhe rrjetet sociale, në veçanti në Shtetet e Bashkuara.
Por, QAnon ngelet e veçuar për shkak të popullaritet që mori si amalgamë e të gjitha teorive të komplotit ndërsa popullariteti i saj u rritë shumë ndër anëtarë të Partisë Republikane që votuan për Presidentin Donald Trump në vitin 2016 dhe ngjarjet që pasuan pas teorive që shpalosi Q dhe zbërthimin nga Presidenti, për cilin foli QAnon. Dhe, ishte vetë Presidenti Trump që ripostoi disa mesazhe të QAnon.
Sipas Media Matters, aktualisht janë mbi 70 kandidatë për zgjedhjet e ardhshme për Senat dhe Kongres që kanë mbështetur teorinë QAnon e fjala është për kandidat demokrat, republikan dhe liberal. Madje kandidati republikan për Kongres, Ron Kurtis, publikisht e ka shpërndatë një video të njerëzve që japin “betimin QAnon” (tekst i ngjashëm me atë të betimit të senatorëve amerikanë me shumë pak ndryshime). Ndërsa kandidatja republikane për Kongres, Marjorie Taylor Greene, konstatoi se QAnon është patriot i vërtetë.
