“Fadil Vokrri”, Xhaka dhe Rashica ndahen baras

Ndeshja mes skuadrës së Milot Rashicës dhe asaj të Granit Xhakës, ka përfunduar me rezultat të barabartë 4:4.

Pjesa e parë përfundoi në të mirë të skuadrës se Xhakës, që ishte në epërsi me rezultat 2 me 1. Golat për skuadrën e Granit Xhakës i shënuan Muharrem Sahiti dhe Dardan Berisha ndërsa golin e vetëm për skuadrën e Rashicës e shënoi Emir Lenjani në fillim të ndeshjes.

Pjesa e dytë ishte më e mirë për skuadrën e Milot Rashicës e cila arriti të shënoi 3 herë kundrejt 2 golave të shënuar nga skuadrës së Xhakës. Për skuadrën e Xhakës në pjesën e dytë shënuan vet Granit Xhaka dhe Armend Thaqi, ndërsa për skuadrën e Rashicës shënuan Shefki Kuqi dhe vet Milot Rashica.

Vlen të theksohet se për të shikuar këtë ndeshje në stadiumin “Fadil Vokrri” kishin ardhur afër 10 mijë shikues dhe të gjitha parat e mbledhura nga shitja e biletave për këtë ndeshje do të dhurohen për fëmijët e Sosfshatit.