Fajtori s’duhet të shpëtojë, i pafajshmi s’duhet të vuaj, Ambasadorja e SHBA: Fund korrupsionit!

Ambasadorja e SHBA në Tiranë, Yuri Kim, i ka bërë thirrje sot prokurorëve që të mos lejojnë personat me faj të shpëtojnë nga drejtësia, të pafajshmit të vuajnë ndërsa në vitin 2020, që e shpalli si një vit të madh në rrugën e vendit drejt Bashkimit Evropian, ajo u tha prokurorëve në Konferencën “Sfidat e Prokurorisë së Përgjithshme në dritën e Reformës në Drejtësi” se duhet t’i japin fund korrupsionit pasi kjo po e ndalon Shqipërisë që të jetë aq e mirë sa duhet të jetë

“2020 është një vit i madh në rrugën e Shqipërisë drejt BE, jemi të emocionuar dhe nder për ne që qëndrojmë pranë Shqipërisë, reformat që po ndërmerr janë shumë të rëndësishme po edhe shumë të vështira. Reforma në drejtësi ka sjellë ndryshime në sistemin në prokurori dhe është koha që të fitohet besimi i publikut. Duhet të sigurojmë qëndrueshmëri. Muaj e kaluar kanë treguar që shumë individë kanë qenë të gatshëm që t’i bashkohen sistemit të drejtësisë. Jemi mirënjohje për kontributin e këtyre individëve, dhe për kurajon e tyre, siç është zyra e prokurorisë, SPAK, që do të ketë një rol të rëndësishëm në reformën në drejtësi për të luftuar krimin. Shqipëria duet të ecë përpara në forcimin e ligjit. Duhet t’i jepni fund korrupsionit pasi kjo po e ndalon Shqipërisë që të jetë aq e mirë sa duhet të jetë,” tha Ambasadorja Yuri Kim duke sjellë në vëmendje se në vitin 2019, zyra e Prokurorit të Përgjithshme punësoi një numër koordinatorësh, dhe fakti që shumë individë kanë pranuar që të bëhen pjesë e kësaj, është vërtetim i reformës në drejtësi.

“Dua të vë në dukje dhe rëndësinë e koordinimit. Ju bëj thirrje që komunikoni me njëri-tjetrin, për të çuar drejtësinë përpara. Prokurori është shërbëtor i ligjit, fajtori nuk duhet të shpëtojë dhe i pafajshmi s’duhet të vuaj. Mos lejoni fajtorët që të shpëtojnë dhe mos i lejoni të pafajshmit që të vuajnë. Duke vepruar krah ligjit, SHBA do ju përkrah.”, tha ambasadorja.”