Faqet e para të shtypit të ditës, datë 11 Gusht:

Këto janë faqet e para të shtypit të ditës, datë 11 Gusht:

Gazetarë, staf teknik dhe punonjës të Focus Media News dhe Panorama Group nuk lejohen prej 2 ditësh të hyjnë në ambientet e News24, BalkanWeb dhe Panorama të cilat mbahen të rrethuara me efektivë të Policisë së Shtetit dhe asaj Ushtarake, duke penguar edhe sot ndër të tjera, botimin e numrit të radhës të gazetave “Panorama” dhe Panorama Sport”!

Asociacioni i Gazetarëve të Shqipërisë do të protestojë nesër në 12:00 para godinës së News24, e cila prej mëngjesit të së shtunës është zaptuar nga Policia e Shtetit pa vendim gjyqësor, pa përmbarues dhe pa njoftim paraprak. 

Gjithçka ndodhi, në një ditë krejt të zakonshme pune, në një aksion, të paparalajmëruar. Në orët e para të mëngjesit të datës 9 gusht, forca të shumta policore zaptuan ambientet e Neës24 dhe nuk lejuan gazetarët të nisnin punën.