“Farsa e madhe e majmur e zgjedhjeve në Shqipëri”, Berisha: Mbi 1500 faqe me mbi 2 mijë prova

Sot Kryetari i Partisë Demokratika, Sali Berisha, me bashkëpunëtorët e tij ka prezantuar publikimin e PD “Farsa e madhe e majmur e zgjedhjeve në Shqipëri” me mbi 1500 faqe dhe mbi 2 mijë prova.

Ky libër, tha Kryetari i Partisë Demokratike, është enciklopedia e farsës elektorale dhe dëshmia e mbrojtjes së votës së shqiptarëve.

Prezantimin e sotëm lideri i opozitës e nisi duke shpreh mirënjohjen më të thellë për të gjithë ata qytetarë të Tiranës dhe mbarë Shqipërisë që mbushën dje bulevardin “Dëshmorët e Kombit” në protestën më të fuqishmte paqësore që mbahet mend ndonjëherë; Që me praninë e tyre inauguruan dje misionin e ri të opozitës shqiptare, shpëtimin e demokracisë, shpëtimin e familjes shqiptare, shpëtimin e Shqipërisë.

Ndërkohë denoncoi me forcën më të madhe provokacionet dhe terrorin policor ndaj disa të rinjve, të cilat nuk kanë kryer absolutisht as edhe aktin më të vogël të dhunës, ku janë ndaluar 10, nga të cilët 4 janë arrestuar, 2 prej të cilëve kosovarë që kishin ardhur si turistë, që kërkoi të lirohen menjëherë.

“Sot, ne jemi këtu para jush, për të paraqitur para shqiptarëve publikimin e PD-së, të cilin kësaj here kemi preferuar ta quajmë ‘Farsa e madhe e majmur e zgjedhjeve në Shqipëri’.
Ky dokument i pashembullt në historinë e një farse elektorale në Europë dhe në botë, i hartuar me mbi 1500 faqe, dhe mbi 2 mijë e sa prova, dokumente, video, fotografi, të gjitha.
Një punë e jashtëzakonshme në radhë e strukturave të PD, të cilat kanë mbrojtur votën duke identifikuar çdo shkelje ligjore, çdo dhunim të votës, çdo ndërhyrje të krimit dhe me radhë.
Një punë e jashtëzakonshme nga ekipi që keni këtu para, që ka ndjekur, ka shqyrtuar, ka analizuar të gjitha këto dokumente dhe që janë dërguar online në qendrat ndërkombëtare të raporteve për zgjedhjet në Shqipëri, sapo paraqiteshin këtu.
Një punë të jashtëzakonshme në mënyrë të veçantë nga zonja Albana Vokshi, e cila në fakt del sot me këtë libër 1500 faqesh, e kaluar në çdo paragraf, në çdo rresht, në çdo dokument në duart e saj.
Kjo përpjekje përmbushi detyrimin dhe objektivin.
Edi Rama në mënyrë të pacipë kërcënoi vëzhguesit, na faktoni pak ku janë ato që keni shkruar.
Vëzhguesit e përgjegjshëm dhe të guximshëm nuk u tërhoqën.
Por ne u përpoqëm të japim modestisht kontributin tonë duke u dërguar atyre mijëra dokumente autentike, video, fotografi, procesverbale, në mënyrë që raporti i tyre të ishte raporti që damkosi në zgjedhjet përfundimtare.
Natyrisht ata kishin edhe të vetat, pa diskutim, të shumta, shumë të rëndësishme, por edhe ky raport, këto 1500 faqe që janë dërguar sapo shqyrtoheshin, kanë pasur vlerën e vet.
Raportin e keni online. Cilido nga mediat e ka online,” tha Sali Berisha duke e cilësuar këtë libër si enciklopedi e farsës elektorale dhe dëshmi e mbrojtjes së votës së shqiptarëve.

“Ky libër është detyrimi ynë para çdo shqiptari për të mbrojtur votëne tij. Ky libër dëshmon përkushtimin e demokratëve, komisionerëve, drejtuesve të degëve, drejtuesve të grupseksioneve, për të mbrojtur votën, për të mbrojtur sipas ligjit votën e qytetarëve shqiptarë. Dëshmon përkushtimin dhe angazhimin tonë. Ne u kemi thënë shqiptarëve do mbrojmë votën. Natyrisht, në këtë mijëra e mijëra fakte, parazgjedhore dhe gjatë fushatës, ditën e zjgedhjeve dhe paszgjedhore. Ne kemi bërë gjithçka që këto t’i bëhen të njohura grupeve ndërkombëtare të vëzhgimit.
Kjo është.
Raporti i OSBE-së, ky është 1500 faqe, raporti i OSBE-së nuk mund të jetë kurrë i tillë, por ajo që mund të them ky libër vërteton dhe tejkalon, normal se ata nuk mund të merren me një botim të tillë, me fakte çdo fjalë të atij raporti. Sigurisht, është një enciklopedi, raporti është raport. Nuk mund të jetë një enciklopedi raporti. Kurse ky nuk është raport. Ky është enciklopedia e farsës elektorale, por edhe e ekrimit shtetëror në tërësi. Do të qarkullojë në të gjithë botën, në Amazon, online, do të dërgohet në çdo adresë. Sepse mbrojtja e votës është kushti më themelor i mbrojtjes së demokracisë,” tha lideri i opozitës duk eu shprehur qartë se vlerësojnë shumë raportin që bëri OSBE-ODIHR. Ne kërkojmë zgjedhje të lira dhe të ndershme. Nuk kërkojmë ndarje pushtetesh. Jo, nuk kërkojmë ndarje pushteti ne. Domethënë, në 2001-shin ne realizuam mbrojtjen e votës dhe jo vetëm kaq, por një proces i cili çoi në një ndarje pushteti. Ne nuk kërkojmë ndarje pushteti sot. Në dallim nga 2001-shi, sot pas 24 vitesh, Partia Demokratike nuk kërkon ndarje pushteti. Kërkon zgjedhje të lira, kërkon qeveri teknike dhe këtu qëndrojmë ne. Nuk ka njeri që mund të mbrojë këto zgjedhje. Ju e patë ç’ndodhi. U bë një deklaratë që u përgënjeshtrua të nesërmen, të pasnesërmen, dy herë.
Pra, kjo, Anisa, është, ne jemi mirënjohës pafundësisht, por nuk e vlerësojmë se Partia Demokratike duhet të hyjë në pazare për të ndarë pushtetin. Tani Partia Demokratike është në një situatë që, me këtë qeveri, ose largon këtë qeveri nga pushteti dhe hap rrugën për qeveri teknike e zgjedhje të lira, ose këtu opozita është fiktive dhe tërësisht fiktive. Pra është, është një taktikë e re kjo e Partisë Demokratike.”

Ndërkohë SPAK, tha Kryetari i Partisë Demokratike, hesht për krimet zgjedhore, ndërsa shteti i Edi Ramës dhe SHIK-u nën kontrollin Gys Agasit i shërbejnë pushtetit dhe bandave.

“E kemi diskutuar dhe mund ta çojmë. Unë do t’ju them ju se problemi më themelor i Partisë Demokratike dhe i Sali Berishës mes SPAK-ut, ku unë e kam quajtur SKAP, pikërisht për amnistinë elektorale. Unë jam, ne jemi opozitë. Në qoftë se SKAP-i nuk do bënte amnisti elektorale, këto s’do mund të ndodhnin më kurrë. Por SKAP-i është pjesë e Partisë Socialiste në axhendën elektorale. Jo të gjithë, sigurisht jo të gjithë. Jo absolutisht, dhe një herë. Se është fatkeqësi kur, por fatkeqësia ishte e tyre kur ata përfaqësoheshin nga një person si Altin Troplini. Ishte një fatkeqësi e madhe. Urdhëroni? A ju kujtohet, deklaroi para një muaji, dy muajsh se nuk kanë provë pothuajse fare. Të gjitha, çfarë kemi këtu, të gjithë, mbi 100, mbi 100 padi janë ngritur në SPAK për të gjitha, për të gjitha këto. Dhe s’kanë lëvizur asnjë. Por t’jua dërgojmë, ne mund t’jua dërgojmë. Po, por amnistia e krimit elektoral është amnisti për bandat.

Sa herë e kam denoncuar këtu para jush Ergys Agasin unë? Takimet e tij tek një lokal Sofra e Kuajve apo si quhej ajo… Kodra e Kuajve tek Shkëmbi i Kavajës, ku takohej Gysi Agasi, Elvis Doçi, Suel Çela. Rregullisht. Dhe bashkërendonin krimet elektorale të dy.

Dhe kur unë i denoncova, e ndërruan lokalin dhe shkonin takoheshin tek shtëpia e Gjushit. Pra, nuk i dinte SPAK-u këto 100%. Por Gysi Agasi, sapo erdhi në detyrë, i ka regjistruar vetë ata, me SHIK-un. Task-forcën e krijuar nga SPAK-u për të ndjekur zgjedhjet që u serviri, Gysi Agasi me SHIK-un e vuri në survejim, në regjistrim të plotë, telefonat dhe të gjitha. Dhe e dinë ata shumë mirë. Ata e dinë. Po heshtin sepse e dinë që Gysi Agasi ishte njeriu i Edi Ramës. Kishte shkruajtur një gazetar me shumë të drejtë sot, ose dikush kush ishte thënë, zëvendëskryeministri në hije,” tha Kryetari i Partisë Demokratike, Sali Berisha duke përfunduar:

“Pra, të gjitha këto janë denoncuar. Është denoncuar prej kohësh që ai kontrollon Shërbimin Informativ Kombëtar. Jo një herë, disa herë dhe me fakte.

Kurse për policinë e për Ministrinë e Brendshme s’e kishte gjë fare ai. Imagjinoni, kishte projekte për të marrë peng ministra. E kuptoni ç’ishte ai shtet? Ai ishte qeveria e Edi Ramës.”