Farsa elektorale, Berisha: Kartelet e vrasësve dhe drogës sjellin në këtë parlament 28 deputetë
Duke e e akuzuar Partinë Socialiste dhe Edi Ramën edhe nga foltorja e Parlamentit për farsën elektorale të 11 Majit, Kryetari i Partisë Demokratike, Sali Berisha, tha se kartelet e vrasësve dhe drogës sjellin në këtë parlament 28 deputetë, dhe më e ndershme do ishte sikur të vinte në seancë parlamentare Xhevdet Troplini e Altin Hajri
“Të nderuar deputetë, kjo seancë mblidhet pas farsës elektorale më të turpshme, pas rënies së Perdes së Hekurt në Europën ish-komuniste.
Kjo seancë mblidhet pasi partia e krimit me në krye Edi Ramën zhvilloi farsën zgjedhore më kriminale që ka njohur ndonjëherë historia e vendit.
Kjo seancë mblidhet pasi në shkelje të të gjitha ligjeve kombëtare dhe ndërkombëtare, Edi Rama përdori 76 milionë euro dhuratë për 48 përqind të votuesve.
Pasi fali 200 milionë euro gjoba dhe kamata për të marrë votat.
Pasi mobilizoi kartelet më të rrezikshme të drogës në Europë.
Deputetët e këtyre karteleve u zëvendësojnë ju në këtë parlament, jo se ju nuk ishit mëkatarë, por vetëm njëri prej tyre, Arkendi, që mori 2500 vota në vitin 2021, mori këtë vit nga Troplinët 5 mijë vota më shumë se Edi Rama.
Ju mblidheni këtu pasi klanet e vrasësve, drogës, kartelet e drogës, sjellin në këtë parlament 28 deputetë në lista të mbyllura dhe të hapura.
Ju mblidheni sot këtu pasi për të blerë votat me drogë, kreu juaj firmosi mbjelljen e 28 mijë hektarëve kanabis në mbarë vendin.
Ju mblidheni sot këtu në një kohë kur votën e parë të diasporës shqiptare e manipuluat në mënyrën më të egër.
Kur 1.6 milionë shqiptarëve iu shkelmuat votën.
O botë e krimit, nuk mund të ishit ndryshe ju.
Përfaqësues të klaneve më të egra dhe vrasësve, nuk mund të ishit ndryshe, këta mund të ishit.
Po, po.
Shumë herë më e ndershme do ishte që këtu në parlament të ulej Xhevdet Troplini, Altin Hajri, Elvis Çela, Bahri Bajri, Pëllumb Gjoka, Arben Qimja, Renato Salihi, Orik Shyti dhe të tjerë të cilët u përdorin ju si lecka politike në funksion të perandorive të tyre të krimit,” tha Sali Berisha nga foltorja e Parlamentit duke ju drejtuar ministrit Blendi Gonxhe se është një bandit më i keq dhe më i rrezikshëm se Xhabaftët:
:Të dashur qytetare dhe qytetarë, ai që shihni aty, ai ndërroi mbiemrin.
Ai tani quhet Blendi Xhabafti.
Ai është Blendi Xhabafti, një bandit më i keq, më i rrezikshëm se Robert dhe Alfred Xhabafti.
Ja, ky është!
Ai është njëlloj si ti, se edhe ti erdhe si Spiropali dhe përfundove si Spirogjoka.”
Ndryshe, përplasjet e forta mes kreut të Grupit Parlamentar të PD, Gazmend Bardhi, dhe kryetares së Parlamentit, Elisa Spiropali, si dhe ministrit për marrëdhëniet me parlamentin, Taulant Balla, në Konferencën e Kryetarëve ku dështoi miratimi i rendit të ditës, vazhduan edhe në seancë plenare ku me forcën e kartonit socialistët e Edi Ramës miratuan rendin e ditës dhe refuzuan kërkesën urgjente të PD për shtimin e një pike në rend të ditës: “Diskutim jashtë rendit të ditës 60 minuta”!
