Farsa elektorale e 11 Majit, Noka: Edi Rama institucionalizoi tregun e votës!

Duke akuzuar mazhorancën socialiste për vjedhje të votave në zgjedhjet e 11 Majit, Sekretari i Përgjithshëm i Partisë Demokratike, Flamur Noka, tha sot në seancë plenare të Parlamentit të Shqipërisë se demokracia në vendin tonë është gjymtuar nga etja e Edi Ramës për të mbajtur pushtetin.

“Për ne opozitën agjenda është krejt tjetër. E papranueshme për ne është që Shqipëria vend anëtar i NATO-s, që Shqipëria siç thoni edhe ju ka çelur kapitujt e parë të negociatave me BE, të varrosë votën e lirë dhe të varrosë zgjedhjet e lira.

Sepse Niko sot jo vetëm para shqiptarëve, por edhe para faktorit ndërkombëtar është gjymtuar totalisht edhe me vullnetin tuaj të plotë politik por edhe nga etja e sulltanit tuaj për tu kacavjerrë me çdo kusht pas karriges. Pra është gjymtuar demokracia. 

Demokracisë në vendin tonë i qëndron këtu veç fasada, ajo fasadë që sulltani juaj e ka merak. 11 maji ishte një farsë, themeli i pushtetit tuaj qëndron mbi farsë e panë të gjithë shqiptarët dhe ndërkombëtarët.

Ju opozitës i vendosët përballë gjithë shtetin së bashku me bandat krimin e organizuar, kartelet që i nxorët në pah dukshëm.

Ju sollët para shqiptarëve shtetin elektoral që bazohet ne pataronazhimin dhe me kapjen e mediave, i kthyet neediat në “Vari Carlon” që ju bënit tallave dhe që nuk jepnin asgjë për Shqipërinë dhe shqiptarët,” tha Flamur Noka nga foltorja e Parlamentit të Shqipërisë edhe për insitucionalizimin e tregut të votës nga Edi Rama ndërsa përfundoi:

“Themelet e pushtetit tuaj sot qëndrojnë mbi votën e blerë mbi votën e shantazhuar, mbi votën e tjetërsuar. Insitucionalizuat treguan e votës. 

“Kemi degjuar që në çdo qytet ka pazar e treg të gjësë së gjallë ju pazarin e votës e institucionalizuat, me vendim qeveria ju bletë me nga 100 euro për kokë, bletë 56 mije pensonistë, dy ditë para zgjedhje falet 150 gjoba, pra bletë me vendim qeverie. Me licencat e kanabisit  ju bletë vota. Vota bletë edhe me para.”