Farsë elektorale, Berisha: Krimi dhe oligarkia dhunuan votën e shqiptarëve!

Pas shumë denoncimeve si dje në ditën e votimit ashtu dhe sot gjatë numërimit ndërsa procesi i numërimit të votave vazhdon, ka reaguar Kryetari i Partisë Demokratike, Sali Berisha, duke dënuar me forcë për të hedhur poshtë këtë farsë elektorale duke e karakterizuar krim shtetëror elektoral.

“Vota e krimit dhe e oligarkisë, dhunuan si kurrë në historinë e këtij vendi votën e shqiptarëve. Janë të panumërta aktet, veprimet të cilat dëshmojnë se gjatë këtyre muajve, narkoshteti zbatoi programin e asgjësimit të lirisë së votës të blerjes së saj dhe terrorizimit të zgjedhësve shqiptarë,” tha Sali Berisha duke e konsideruar këtë ditë të rëndë për liritë dhe të drejtat e qytetarëve shqiptarë dhe një moment agonie për vlerat demokratike në vend.

Gjithashtu, Kryetari i Partisë Demokratike kishte një thirrje për komisionerët e opozitës, në veçanti pas incidentit në Kurbin, ku u dhunua Ismail Ismaili pas një denoncimi që nuk i pëlqeu partisë kriminale në pushtet:

“I bëjë thirrje të gjithë përfaqësuesve të opozitës në komisionet e numërimit, të vazhdojnë me përkushtim detyrën e tyre, pasi është në parimin dhe qëndrimin tonë të bëjmë gjithçka për të mbrojtur votën e qytetarëve shqiptarë.”

Deklaratë:

Makineria elektorale e narkoshtetit të parë dhe të vetëm në Europë. Industria e tmerrshme e blerjes së votës. Vota e krimit dhe e oligarkisë, dhunuan si kurrë në historinë e këtij vendi votën e shqiptarëve.

Janë të panumërta aktet, veprimet të cilat dëshmojnë se gjatë këtyre muajve, narkoshteti zbatoi programin e asgjësimit të lirisë së votës të blerjes së saj dhe terrorizimit të zgjedhësve shqiptarë.

Kjo është një ditë e vështirë, një ditë e rëndë për liritë dhe të drejtat e qytetarëve shqiptarë. Është një moment agonie për vlerat demokratike në vend. Unë jam këtu për të dënuar me forcën më të madhe për të hedhur poshtë këtë farsë elektorale, e karakterizuar nga alfa, tek omega krimin shtetëror elektoral, dhe krimi ordiner.

Jam këtu gjithashtu për t’i bërë thirrje të gjithë përfaqësuesve të opozitës në komisionet e numërimit, të vazhdojnë me përkushtim detyrën e tyre, pasi është në parimin dhe qëndrimin tonë të bëjmë gjithçka për të mbrojtur votën e qytetarëve shqiptarë.

Së fundmi, dënoj me forcë dhunën e përdorur në Kurbin ndaj një komisionari për faktin e vetëm se duan me çdo kusht të diktojnë, të ndryshojnë rezultatin në këtë bashki siç kanë bërë në shumicën e bashkive të vendit.

Shpreh solidaritetin tim me komisionerin, Ismail Ismaili dhe të gjithë komisionerët e tjerë që në kushte terrori, po përmbushin detyrimet e tyre.

Faleminderit!