Fatmira Hajdari në Vetting, DSIK: Papërshtatshmëri për gjyqtare! Deklarim të pasaktë të pasurisë…

Gjyqtarja e Gjykatës së Apelit të Tiranës, Fatmira Hajdari ka dalë sot para Komisionit të Pavarur të Kualifikimit, KPK, ku DSIK është shprehur se ka papërshtatshmëri për të vijuar detyrën si gjyqtare, pasi ka deklarim të pasaktë të pasurisë ndërsa fshehja e revokimit të vizës amerikane mund të sjellë shkarkimin e saj.

Gjatë procesit të kontrollit të figurës, raporton BW, DSIK ka dalë në konkluzionin se zonja Hajdari ka bërë deklarim të pasaktë në formularin e vetëdeklarimit, duke fshehur faktin se i është revokuar viza amerikane. Kjo e fundit ka deklaruar se revokimi i vizës nuk kishte ndodhur në momentin që ka plotësuar formularin e vetëdeklarimit. Fatmira Hajdari ka shtuar se nuk i është ndaluar hyrja në ndonjë vend të BE apo NATO:

“Më është kërkuar pasaporta dhe më është komunikuar se jam n proces vettingu ndaj më revokohet viza,” ka sqaruar ajo.

Ndërkohë problematika tek deklarimi i pasurisë qëndron tek një pallat 10-katësh që ka probleme që në ngritjen e tij, probleme me pronarët, disa kredi në emër të të birit, 13 apartamente dhe 1 vilë që nuk ka burime financiare të ligjshme për të mundur ta justifikuar.

Vetë Fatmira Hajdari ka sqaruar pasurinë e saj, duke thënë se jeton ende në vilën që ka blerë bashkëshorti i saj i ndjerë, Azem Hajdari, në vitet 90. Gjyqtarja është shprehur se ka bërë gjithmonë deklarime të sakta të pasurisë, po sipas saj, banka në atë kohë shkruante në dokumente fakte të paqena.

“Rrjedha ime familjare ne Tiranë ka nisur në vitet 1990. Na keni kthyer 30 vjet pas. Bashkëshorti im ka qenë deputet në vitet 90. Pas ardhjes në Tiranë kemi marrë një shtëpi tek ish-vilat gjermane. Në 1993 kam punuar në Ministrinë e Drejtësisë. Unë jetoj në të njëjtën vilë që ka blerë bashkëshorti im. Kam qene korrekte në deklarimet e mia. Të gjitha blerjet janë bërë para se të bëhesha subjekt për të deklaruar. Une shkova te apartamenti i kunatit, pasi në atë kohë isha e kërcenuar për shkak të situatës.

Gjatë kësaj kohe u rikonstruktua banesa tek “vilat gjermane”. Kemi qene në një kohë krejt ndryshe. Veprimet kanë qenë informale. Unë nuk kam genjyer asnjëherë në deklarimet e mia. Banka në atë kohë shkruante në dokumente fakte të paqena, boll të jepej kredia. Mua kunati më dha apartament, por unë i thashë dua dyqan, që te mbaj fëmijët e mi. Kur shkova të nënshkruaj kontratën, pronari më tha: ‘ti do paguash vetëm koston e investimit, pjesen tjeter e keni për familjen tuaj’,” tha Gjyqtarja e Gjykatës së Apelit të Tiranës, Fatmira Hajdari para Komisionit të Pavarur të Kualifikimit, KPK.

Relatimi i KPK:

Rivleresimi i Hajdarit për dy kritere, pasuri dhe figurë.

Për pasurinë:

Ildkpki kanpërcjellë raport pozitiv. Nuk ka fshehje pasuri, mosdeklarim dhe konflikt interesi.

Truall 454 m2

Ndertese 95 m2 tek vilat gjermane.

Hajdari ka deklaruar se prona ne 1/4 pjese secili familjar.

Pasuria e deklaruar si e blere ne 1995 nga A.H. me vlere 125 mijë lekë.

Në formularin e 2003 subjekti ka deklaruar he njq.shtëpi banimi me oborr me vlere 2.7 mln lekë.

Kpk: Ka mosperputhje në lidhje me çmimin e apartamentit të blere nga enti kombëtar i banesave.

– truall 150 m2 përfituar përmes legalizimit, i bashkuar me siperfaqen e thene me lart.

Shuma e paguar është 978 mijë lekë. Në deklaratën e 2015 nuk është deklaruar fitimi i këtij trualli.

Rezulton se me vkm të vitit 2015 rezulton kalimi i kësaj sipërfaqeje tek Hajdari.

– truall 142 m2, pjese e të njëjtës sipërfaqeje.

Sipas subjektit e dtejta e pronësisë është përfituar në 2013.

Gjitë sipëerfaqja shkon 887 m2.

Kpk: kjo nuk është deklaruar në 2013-14-15.

– 3 njësi dhe 12 apartamënte të përfituara nga një nmdërtim në këtë sipërfaqe, ndërtuar në sipërfaqen pronë e subjektit.

Subjekti ka investuar truallin dhe 200 mijë euro dhe prej saj ka fituar 3 njësi dhe 13 apartamente.