Fehmi Kupina, Kryetar i Kuvendit Komunal të Prishtinës

Kryetar i ri i Kuvendit Komunal të Prishtinës është zgjedhur Fehmi Kupina.

Në raundin e tretë me 25 vota, Fehmi Kupina nga LDK zgjedhet kryesues

Nga 51 asambleistë sa ishin në sallë, Fehmi Kupina mori 25 votat e LDK-së, abstenuan asambleistët e Lëvizjes Vetëvendosjes ndërsa ata të AAK dhe AKR nuk morën pjesë në votim.

Fehmi Kupina ishte kandidat i LDK-së, dhe ndonëse të drejtën e poropozimit të një kandidati për Kryetar të Kuvendit Komunal të Prishtinës e kishin të gjitha subjektet politike që janë pjesë e Kuvendit, ata vendosën të mos bëjnë propozime. Lëvizja Vetëvendosje në fillim sqaroi se nuk do të propozoj kandidatë por asambleistët do të qëndrojnë në sallë për të bërë kourumin e duhur.

Ndryshe, në fillim të procesit zgjedhor, AAK dhe AKR, në mungesë të informacionit për vendimin e Lëvizjes Vetëvendosje paralajmëruan zgjedhjet e reja të jashtëzakonshme për Kuvendin Komunal të Prishtinës, plane këto obstruksioniste që i prishi qëndrimi i asambleistëve të LVV gjatë procesit të zgjedhjes së Kryetarit.